ടെക്‌നിക്കൽ എക്‌സാമിനേഷൻ; കമ്പ്യൂട്ടർ വേർഡ് പ്രോസസിംഗ് പരീക്ഷ സെപ്റ്റംബർ 17 മുതൽ

കേരള ഗവൺമെന്റ് ടെക്‌നിക്കൽ എക്‌സാമിനേഷൻ (കൊമേഴ്‌സ് ഗ്രൂപ്പ്) കമ്പ്യൂട്ടർ (വേർഡ് പ്രോസസിംഗ്) പരീക്ഷ സെപ്തംബർ 17 മുതൽ എൽ.ബി.എസിന്റെ വിവിധ സെന്ററുകളിൽ നടക്കും. പരീക്ഷയിൽ പങ്കെടുക്കുന്നതിന് പരീക്ഷാകമ്മീഷണർക്ക് അപേക്ഷ നൽകിയവർക്ക് www.lbscentre.kerala.gov.in എന്ന വെബ്‌സൈറ്റിലെ 'KGTE2019' എന്ന ലിങ്കിലൂടെ ഓൺലൈനായി ഫീസടച്ച് സ്വീകാര്യമായ പരീക്ഷാസമയവും, തിയതിയും തിരഞ്ഞെടുക്കാം. മുൻകൂട്ടി നിശ്ചയിച്ചിരിക്കുന്ന സമയക്രമങ്ങളിൽ ഏതെങ്കിലുമൊന്ന് തിരഞ്ഞെടുത്തവർക്ക് മാത്രമേ പരീക്ഷയ്ക്കു പങ്കെടുക്കാനാകൂ. സമയക്രമം തിരഞ്ഞെടുത്തവർക്ക് രജിസ്‌ട്രേഷൻ സ്ലിപ്പ് ലഭിക്കും. ഈ രജിസ്‌ട്രേഷൻ സ്ലിപ്പും പരീക്ഷാഭവനിൽ നിന്നും ലഭിച്ച ഹാൾടിക്കറ്റും പരീക്ഷാസമയത്ത് ഹാജരാക്കണം. മലയാളം ലോവർ, മലയാളം ഹയർ, ഇംഗ്ലീഷ് ലോവർ, ഇംഗ്ലീഷ് ഹയർ എന്നീ വിഷയങ്ങൾക്ക് പ്രത്യേകമായി സമയം തിരഞ്ഞെടുക്കാം. ഫീസടയ്ക്കാനും സമയക്രമം തിരഞ്ഞെടുക്കാനുമുള്ള അവസരം ഇന്നു മുതൽ സെപ്തംബർ 14 വരെ വെബ്‌സൈറ്റിൽ ലഭിക്കും. പരീക്ഷാ ഫീസ് ലോവറിന് 200 ഉം ഹയറിന് 250 രൂപയുമാണ്. തിരഞ്ഞെടുത്ത പരീക്ഷാ തിയതിയും സമയവും മാറ്റി നൽകുന്നതല്ല.
പി.എൻ.എക്സ്.3098/19