ആരോഗ്യസുരക്ഷാ പദ്ധതി
ആയുഷ്മാൻ ഭാരത് / കാരുണ്യ ആരോഗ്യ സുരക്ഷാ പദ്ധതിയുടെ എൻറോൾമെന്റ് സെപ്റ്റംബർ അഞ്ചിന് അവസാനിക്കുന്നു. ഇനിയും രജിസ്റ്റർ ചെയ്യാത്ത അർഹരായ കുടുംബങ്ങൾ താഴെ പറയുന്ന കേന്ദ്രങ്ങളിൽ നടക്കുന്ന രജിസ്ട്രേഷൻ ക്യാമ്പുകളിൽ ഹാജരായി എൻറോൾമെന്റ് പൂർത്തിയാക്കേണ്ടതാണെന്ന് ചിയാക് ജില്ലാ പ്രോജക്ട് മാനേജർ അറിയിച്ചു. 2018-19 വർഷം വരെ സാധുതയുളള ആർഎസ്ബിവൈ കാർഡുളളവർക്കും ആയുഷ്മാൻ ഭാരത് പദ്ധതിയിൽ ഉൾപ്പെടുത്തിയ പ്രധാനമന്ത്രിയുടെ കത്ത് ലഭിച്ചവർക്കും മാത്രമാണ് ക്യാമ്പിൽ എൻറോൾ ചെയ്യാൻ സാധിക്കുക. പദ്ധതിയിൽ എൻറോൾ ചെയ്യാൻ എത്തുന്ന കുടുംബത്തിലെ ഒരംഗം അവരുടെ റേഷൻകാർഡ്, ആധാർകാർഡ്, 2018-19 വർഷം വരെ സാധുതയുളള ആരോഗ്യ ഇൻഷൂറൻസ് കാർഡ്/പ്രധാനമന്ത്രിയുടെ കത്ത്, രജിസ്ട്രേഷൻ ഫീസ് 50 രൂപ എന്നിവയുമായി കേന്ദ്രത്തിൽ എത്തണം. തീയതി, എൻറോൾമെന്റ് കേന്ദ്രം യഥാക്രമത്തിൽ: ആഗസ്റ്റ് 28-ഇരിങ്ങാലക്കുട മഹാത്മ യു പി സ്കൂൾ, ആഗസ്റ്റ് 29 വരെ- തളിക്കുളം കുടുംബശ്രീ ഹാൾ, ആളൂർ കുടുംബശ്രീ ഹാൾ, ആഗസ്റ്റ് 30 വരെ- ചേർപ്പ് കമ്മ്യൂണി ഹെൽത്ത് സെന്റർ, നാട്ടിക അങ്കണവാടി, വാടാനപ്പിളളി പഞ്ചായത്ത് ഹാൾ, വടക്കേക്കാട് പഞ്ചായത്ത് ഹാൾ, എരുമപ്പെട്ടി പഞ്ചായത്ത് ഓഫീസ്, സെപ്റ്റംബർ അഞ്ച് വരെ -തൃശൂർ ജനറൽ ആശുപത്രി, മുളങ്കുന്നത്തുകാവ് മെഡിക്കൽ കോളേജ്, കുന്നംകുളം താലൂക്ക് ആശുപത്രി, വടക്കാഞ്ചേരി ജില്ലാ ആശുപത്രി, പുതുക്കാട് താലൂക്ക് ആശുപത്രി, ഇരിങ്ങാലക്കുട ജനറൽ ആശുപത്രി, കൊടുങ്ങല്ലൂർ താലൂക്ക് ആശുപത്രി, ചാലക്കുടി താലൂക്ക് ആശുപത്രി. കൂടുതൽ വിവരങ്ങൾ 7736221647 എന്ന നമ്പറിൽ ലഭിക്കും.
- Log in to post comments