വന്യജീവി വാരാഘോഷം സംഘടിപ്പിക്കും

മ്യൂസിയം മൃഗശാലാ വകുപ്പിന്റെ ആഭിമുഖ്യത്തിൽ നടക്കുന്ന വന്യജീവി വാരാഘോഷം മ്യൂസിയം ഓഡിറ്റോറിയത്തിൽ ഇന്ന് (ഒക്‌ടോബർ 1) രാവിലെ 11ന് സാസ്‌കാരിക വകുപ്പ് അഡീഷണൽ സെക്രട്ടറി കെ. ഗീത ഉദ്ഘാടനം ചെയ്യും. വന്യജീവി വാരാഘോഷത്തിന്റെ ഭാഗമായി രണ്ടിന് ഹൈസ്‌കൂൾ/ കോളേജ് വിദ്യാർഥികൾക്കായി ക്വിസ്സ് മത്സരം, മൂന്നിന് യു.പി/ ഹൈസ്‌കൂൾ/  കോളേജ് വിദ്യാർഥികൾക്കായി പ്രബന്ധ രചനാ മത്സരം. നാലിന് യു.പി/ ഹൈസ്‌കൂൾ വിദ്യാർഥികൾക്കായി ചെറുകഥാ രചനാ മത്സരം, അഞ്ചിന് ഹൈസ്‌കൂൾ/ കോളേജ് വിദ്യാർഥികൾക്കായി പ്രസംഗ മത്സരം, ആറിന് എൽ.കെ.ജി/ യു.കെ.ജി/ എൽ.പി/ യു.പി/ ഹൈസ്‌കൂൾ, ഹയർസെക്കൻഡറി/ കോളേജ് വിദ്യാർഥികൾക്കായി ചിത്രരചനാ മത്സരവും സംഘടിപ്പിക്കും. മൂന്നിന് പശ്ചിമഘട്ട സംരക്ഷണം മുഖ്യ വിഷയമായി ഏകദിന സെമിനാർ നടത്തും. വന്യജീവി വാരാഘോഷത്തിന്റെ ഭാഗമായി ഒക്‌ടോബർ രണ്ട് മുതൽ എട്ട് വരെ സ്‌കൂൾ/ കോളേജ് വിദ്യാർഥികൾക്ക് മൃഗശാല പ്രവേശനം സൗജന്യമായിരിക്കും.
പി.എൻ.എക്‌സ്.3510/19