ഇന്റര്‍നാഷണല്‍ യൂത്ത് എക്‌സ്‌ചേഞ്ച് പ്രോഗ്രാമിന്റെ ഭാഗമായി ഇന്ത്യയിലെത്തിയ റഷ്യന്‍ യൂത്ത് സംഘം സന്ദര്‍ശനം പൂര്‍ത്തിയാക്കി മടങ്ങി.  കേന്ദ്ര യുവജനകാര്യ മന്ത്രാലയത്തിന്റെ ആഭിമുഖ്യത്തില്‍ നടത്തുന്ന യൂത്ത് എക്‌സ്‌ചേഞ്ച് പ്രോഗ്രാമിന്റെ ഭാഗമായി കൊച്ചി, തിരുവനന്തപുരം എന്നിവിടങ്ങളാണ് സംഘം സന്ദര്‍ശിച്ചത്.  കേരള സംസ്ഥാന യുവജനക്ഷേമ ബോര്‍ഡ് ആണ് കേരളത്തിലെ സന്ദര്‍ശന പരിപാടികള്‍ ഏകോപിപ്പിച്ചത്.  ഡല്‍ഹിയില്‍ നിന്ന് കേന്ദ്ര സര്‍ക്കാര്‍ ഉദ്യോഗസ്ഥരോടൊപ്പം കൊച്ചിയിലെത്തിയ സംഘത്തിന് ഹൃദ്യമായ സ്വീകരണം നല്‍കി.  തുടര്‍ന്ന് തിരുവനന്തപുരത്തെത്തിയ സംഘം 17 ന് രാവിലെ കേരള നിയമസഭ സന്ദര്‍ശിച്ചു.

ഇന്റര്‍നാഷണല്‍ യൂത്ത് എക്‌സ്‌ചേഞ്ച് പ്രോഗ്രാമിന്റെ ഭാഗമായി ഇന്ത്യയിലെത്തിയ റഷ്യന്‍ യൂത്ത് സംഘം സന്ദര്‍ശനം പൂര്‍ത്തിയാക്കി മടങ്ങി.  കേന്ദ്ര യുവജനകാര്യ മന്ത്രാലയത്തിന്റെ ആഭിമുഖ്യത്തില്‍ നടത്തുന്ന യൂത്ത് എക്‌സ്‌ചേഞ്ച് പ്രോഗ്രാമിന്റെ ഭാഗമായി കൊച്ചി, തിരുവനന്തപുരം എന്നിവിടങ്ങളാണ് സംഘം സന്ദര്‍ശിച്ചത്.  കേരള സംസ്ഥാന യുവജനക്ഷേമ ബോര്‍ഡ് ആണ് കേരളത്തിലെ സന്ദര്‍ശന പരിപാടികള്‍ ഏകോപിപ്പിച്ചത്.  ഡല്‍ഹിയില്‍ നിന്ന് കേന്ദ്ര സര്‍ക്കാര്‍ ഉദ്യോഗസ്ഥരോടൊപ്പം കൊച്ചിയിലെത്തിയ സംഘത്തിന് ഹൃദ്യമായ സ്വീകരണം നല്‍കി.  തുടര്‍ന്ന് തിരുവനന്തപുരത്തെത്തിയ സംഘം 17 ന് രാവിലെ കേരള നിയമസഭ സന്ദര്‍ശിച്ചു.

തൃശ്ശൂരില്‍ നടക്കുന്ന 58-ാമത് കേരള സ്‌കൂള്‍ കലോത്സവ വേദികള്‍ക്ക് കേരളത്തിലെ മരങ്ങളുടേയും പൂച്ചെടികളുടേയും പേരുകള്‍ നല്‍കും.  സ്‌കൂള്‍ കലോത്സവം പൂര്‍ണമായും ഹരിതനയം പാലിച്ചു നടപ്പാക്കുന്നതിന്റെ ഭാഗമായാണ് നടപടി.  പ്രശസ്ത കഥാകാരി മാധവിക്കുട്ടിയുടെ (കമലാസുരയ്യ) സ്മരണ ഉണര്‍ത്തുന്ന നീര്‍മാതളം എന്നാണ് മുഖ്യവേദിയുടെ പേര്.  സന്ധ്യക്ക് ശേഷം സാംസ്‌കാരിക പരിപാടികള്‍ നടക്കുന്ന വേദിയുടെ പേര് നിശാഗന്ധി യെന്നാണ്. പാചകശാലയ്ക്ക് തൃശ്ശൂരിന്റെ നെല്ലിനമായ പൊന്നാര്യന്‍ എന്നും ഭോജനശാലയ്ക്ക് സര്‍വസുഗന്ധി എന്നും പേരിട്ടു.  ഗ്രീന്‍പ്രോട്ടോകോള്‍ കമ്മിറ്റി ഓഫീസിന്റെ പേര് തുളസിയെന്നാണ്.

2018 ജനുവരന്നു മുതല്‍ സെക്രട്ടേറിയറ്റിലെ പഞ്ചിംഗ് സമ്പ്രാദായം സ്പാര്‍ക്കുമായി ബന്ധിപ്പിക്കുന്നതിനാല്‍ ബയോമെട്രിക്ക് പഞ്ചിംഗ് കാര്‍ഡ് (ഐഡന്റിറ്റി കാര്‍ഡ്) നഷ്ടപ്പെട്ട ജീവനക്കാര്‍ ഇതു സംബന്ധിച്ച പരാതി കണ്‍ന്റോണ്‍മെന്റ് പോലീസ് സ്റ്റേഷന്റെ ഇ-മെയില്‍ വിലാസത്തില്‍ (acpctnttvm.pol@kerala.in) അയച്ചതിന്റെ പകര്‍പ്പും, പൊതുഭരണ (അക്കൗണ്ട്‌സ്) വകുപ്പില്‍ പിഴ ഒടുക്കിയതിന്റെ രസീതും സഹിതം ആഭ്യന്തര (എസ്.സി) വകുപ്പില്‍ നല്‍കണം.

  പി.എന്‍.എക്‌സ്.5392/17

കേരള ഗവണ്‍മെന്റ് ടെക്‌നിക്കല്‍ എക്‌സാമിനേഷന്‍ (കൊമേഴ്‌സ് ഗ്രൂപ്പ്) കമ്പ്യൂട്ടര്‍ (വേര്‍ഡ് പ്രോസ്സസിംഗ്) പരീക്ഷ 2018 ജനുവരി 17 മുതല്‍ എല്‍.ബി.എസിന്റെ വിവിധ സെന്ററുകളില്‍ നടത്തും. പരീക്ഷാ കമ്മീഷണര്‍ക്ക് അപേക്ഷ നല്‍കിയവര്‍ www.lbscentre.in ലെ  KGTENOVEMBER 2017എന്ന ലിങ്കിലൂടെ സ്വീകാര്യമായ പരീക്ഷാസമയവും, തീയതിയും തെരഞ്ഞെടുക്കണം. കെ.ജി.റ്റി.ഇ പരീക്ഷയ്ക്ക് പങ്കെടുത്ത സ്‌കൂളിനടുത്തുള്ള എല്‍.ബി.എസ് കേന്ദ്രത്തെയാണ് വേഡ് പ്രോസസ്സിംഗ് പരീക്ഷയ്ക്ക പരീക്ഷാ കേന്ദ്രമായി തെരഞ്ഞെടുക്കേണ്ടത്.

ദുരന്ത നിവാരണ പ്രവര്‍ത്തനങ്ങളില്‍ സര്‍ക്കാരിനെ സഹായിക്കാന്‍ തയ്യാറുള്ള സന്നദ്ധ സ്ഥാപനങ്ങള്‍ സംഘടനകള്‍ എന്നിവയില്‍ നിന്ന് സര്‍ക്കാര്‍ അപേക്ഷ ക്ഷണിച്ചു. മുന്‍ പരിചയമുള്ളവര്‍ക്ക് മുന്‍ഗണന. തെരെഞ്ഞെടുക്കുന്നവരെ ഉള്‍പ്പെടുത്തി സംസ്ഥാന ദുരന്ത നിവാരണ അതോറിറ്റി പാനല്‍ തയ്യാറാക്കും. ഓണ്‍ലൈനായി അപേക്ഷിക്കണം. www.ksdma.gov.in എന്ന വെബ്‌സൈറ്റില്‍ വിശദാംശമുണ്ട്. അവസാന തീയതി ഡിസംബര്‍31.

 പി.എന്‍.എക്‌സ്.5390/17

ഓഖി ചുഴലിക്കാറ്റില്‍ ദുരിതമനുഭവിക്കുന്ന മത്സ്യത്തൊഴിലാളി കുടുംബങ്ങള്‍ക്കും മറ്റ് ദുരിത ബാധിതര്‍ക്കും കൂടുതല്‍ സഹായം ലഭ്യമാക്കുന്നതിനായി സര്‍ക്കാര്‍ ജീവനക്കാരുടെയും അധ്യാപകരുടെയും ശമ്പളത്തില്‍ നിന്നും രണ്ട് ദിവസത്തെ വേതനം മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കുന്നത് സംബന്ധിച്ച നടപടിയില്‍ വ്യക്തത വരുത്തുന്നതിന് സംസ്ഥാന ജീവനക്കാരുടെ അംഗീകൃത സംഘടനാ പ്രതിനിധികളുടെ യോഗം 20 ന് വൈകുന്നേരം അഞ്ചിന് സെക്രട്ടേറിയറ്റ് ദര്‍ബാര്‍ ഹാളില്‍ ചീഫ് സെക്രട്ടറിയുടെ അധ്യക്ഷതയില്‍ ചേരും. യോഗത്തില്‍ അംഗീകൃത സംഘടനകളുടെ രണ്ടു വീതം പ്രതിനിധികള്‍ പങ്കെടുക്കണമെന്ന് നിര്‍ദേശിച്ചു.

തിരുവനന്തപുരത്തെ സ്ഥിരം ലോക് അദാലത്തില്‍ അംഗത്തെ നിയമിക്കുന്നതിന് പൊതു ഉപയോഗ സേവനത്തില്‍ (Public Utility Service) പരിചയ സമ്പന്നരായവരില്‍ നിന്ന് അപേക്ഷകള്‍ ക്ഷണിച്ചു.  വിശദവിവരങ്ങള്‍ കേരള സ്റ്റേറ്റ് ലീഗല്‍ സര്‍വീസ് അതോറിറ്റിയുടെ  www.kelsa.nic.in ല്‍ ലഭിക്കും.

പി.എന്‍.എക്‌സ്.5388/17

കേരള സ്റ്റേറ്റ് ലീഗല്‍ സര്‍വീസ് അതോറിറ്റിയുടെ അനുബന്ധ സ്ഥാപനങ്ങളില്‍ വിവിധ തസ്തികകളില്‍ നിയമനത്തിന് അന്യത്ര സേവന വ്യവസ്ഥയില്‍ വിവിധ വകുപ്പുകളിലെ ജീവനക്കാരില്‍ നിന്നും അപേക്ഷകള്‍ ക്ഷണിച്ചു.  വിശദവിവരങ്ങള്‍ www.kelsa.nic.in ല്‍ ലഭിക്കും.

 പി.എന്‍.എക്‌സ്.5387/17

കാക്കനാട്: ഓഖി ചുഴലിക്കാറ്റിനെ തുടര്‍ന്ന് കടലില്‍ അകപ്പെട്ട ബോട്ടുകളെയും മത്സ്യത്തൊഴിലാളികളെയും കണ്ടെത്തുന്നതിന് ജില്ലയില്‍ നിന്ന് 50 ബോട്ടുകളില്‍ അഞ്ച് മത്സ്യത്തൊഴിലാളികളടങ്ങുന്ന സംഘം തിരച്ചില്‍ നടത്തും. ഇതിനായി 1.04 കോടി (ഒരു കോടി നാല് ലക്ഷം രൂപ) സര്‍ക്കാര്‍ അനുവദിച്ചു. തിരച്ചിലിന് പോകുന്ന മത്സ്യത്തൊഴിലാളികള്‍ക്ക് ദിവസം 800 രൂപ വീതം നല്‍കും. കൂടാതെ 3000 ലിറ്റര്‍ ഡീസലും നല്‍കും. സംസ്ഥാനതലത്തില്‍ ആകെ 105 സ്വകാര്യ ബോട്ടുകളെയാണ് തിരച്ചിലിന് നിയോഗിക്കുന്നത്. ജില്ലയിലാണ് ഏറ്റവും കൂടുതല്‍ ബോട്ടുകള്‍ തിരച്ചില്‍ നടത്തുന്നതും കൂടുതല്‍ തുക അനുവദിച്ചിരിക്കുന്നതും.