ദേശീയ നഗരാരോഗ്യദൗത്യത്തിന് കീഴില്‍ ജില്ലയിലെ അര്‍ബന്‍ ഹെല്‍ത്ത് കോഡിനേറ്ററുടെ കരാര്‍ നിയമനം നടത്തുന്നു. എം.ബി.എയും രണ്ടു വര്‍ഷത്തെ പ്രവൃത്തി പരിചയവുമാണ് യോഗ്യത. പ്രായം 2017 ഏപ്രില്‍ ഒന്നിന് 40 കവിയരുത്. പ്രതിമാസം  20,000/ രൂപയാണ് ശമ്പളം.

അപേക്ഷയോടൊപ്പം വയസ്സ്,  വിദ്യാഭ്യാസയോഗ്യത, പ്രവൃത്തി പരിചയം തെളിയിക്കുന്ന സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍, ഫോണ്‍ നമ്പര്‍, ഇമെയില്‍ വിലാസം നല്‍കണം.

വിദ്യാര്‍ഥികളിലെ നൈപുണ്യ വികസനം ലക്ഷ്യമിട്ടുള്ള അഡീഷനല്‍ സ്‌കില്‍ അക്വിസിഷന്‍ പ്രോഗ്രാം (അസാപ്) പദ്ധതിയില്‍ വ്യവസായ മേഖലയുടെ പ്രാതിനിധ്യം ഉറപ്പാക്കുന്നതിനായി ജില്ലാ കലക്ടറേറ്റ് സമ്മേളനഹാളില്‍ 'ഇന്‍ഡസ്ട്രി റൗണ്ട് ടേബ്ള്‍' യോഗം ചേര്‍ന്നു.

വിദ്യാര്‍ഥികളിലെ കഴിവുകളെ കണ്ടെത്തി പ്രത്യേക പരിശീലനം നല്‍കി വ്യവസായ മേഖലയില്‍ തൊഴില്‍  ഉറപ്പാക്കുകയും അതുവഴി വ്യവസായിക വികസനവും നടപ്പാക്കുകയാണ് യോഗത്തിന്റെ ലക്ഷ്യം.ഒറ്റപ്പാലം കിന്‍ഫ്രയിലും തൃത്താല ചാത്തന്നൂരും തുടങ്ങുന്ന കമ്മ്യൂനിറ്റി സ്‌കില്‍ പാര്‍ക്കില്‍  വ്യവസായികളുടെയും സംരഭകരുടെയും പ്രാതിനിധ്യം ഉറപ്പാക്കും.

ലോക ഭിന്നശേഷി ദിനാചരണത്തോടനുബന്ധിച്ച്  ഡിസംബര്‍ മൂന്നിന് ജില്ലയില്‍ വിവിധ പരിപാടികള്‍ നടത്തുന്നതിന് നവംബര്‍ 13ന് കലക്റ്ററേറ്റ് സമ്മേളന ഹാളില്‍ ആലോചന യോഗം ചേരും.

രാവിലെ 10.30ന് ജില്ലാ കലക്ടര്‍ ഡോ: പി. സുരേഷ് ബാബുവിന്റെ അധ്യക്ഷതയില്‍ ചേരുന്ന യോഗത്തില്‍ ഭിന്നശേഷിക്കാര്‍ക്കായി പ്രവര്‍ത്തിക്കുന്ന സ്ഥാപന മേധാവികളും സംഘടന പ്രതിനിധികളും പങ്കെടുക്കണമെന്ന് ജില്ലാ സാമൂഹിക നീതി ഓഫീസര്‍ അറിയിച്ചു.
 

പാലക്കാട് നഗരസഭാ കൃഷിഭവനില്‍ ഫലവൃക്ഷതൈകള്‍ 75 ശതമാനം സബ്‌സിഡി നിരക്കില്‍ വിതരണം ചെയ്യും. ഒട്ടുമാവിന്‍  തൈ 15 രൂപയ്ക്കും ഒട്ടുപ്ലാവിന്‍ തൈ 12.50 രൂപയ്ക്കും കറിവേപ്പില തൈ 2.5 രൂപയ്ക്കും ലഭിക്കും.

മട്ടുപ്പാവില്‍  പച്ചക്കറി കൃഷി ചെയ്യുന്നതിന് 25 തൈകള്‍ 50 ശതമാനം സബ്‌സിഡി നിരക്കില്‍ ആയിരം രൂപയ്ക്ക് ലഭിക്കും. നഗരസഭാ പരിധിയില്‍  താമസിക്കുന്നവര്‍ നഗരസഭാ കൃഷിഭവനിലോ നഗരസഭാ അംഗങ്ങളുമായോ ബന്ധപ്പെടണമെന്ന് കൃഷി ഓഫീസര്‍ അറിയിച്ചു. 
 

കല്‍പ്പാത്തി രഥോത്സവം പ്രമാണിച്ച് നവംബര്‍ 16-ന് (വ്യാഴം) പാലക്കാട് താലൂക്ക് പരിധിയിലുളള സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും പ്രാദേശിക അവധി പ്രഖ്യാപിച്ച് ജില്ലാ കലക്ടര്‍ ഉത്തരവിട്ടു. മുന്‍ നിശ്ചയപ്രകാരമുളള പൊതുപരീക്ഷകള്‍ക്ക് അവധി ബാധകമല്ല.

മദ്യ വില്പന ശാലകള്‍ അടച്ചിടും

കല്‍പ്പാത്തി രഥോത്സവത്തോടനുബന്ധിച്ച് ക്രമസമാധാനം ഉറപ്പാക്കുന്നതിനായി നവംബര്‍ 16-ന് പാലക്കാട് ക, കക, കകക  വില്ലേജ് പരിധിയില്‍ മദ്യം - മറ്റ് ലഹരി വില്പനശാലകള്‍ അടച്ചിടാനും ജില്ലാ കലക്ടര്‍ നിര്‍ദ്ദേശം നല്‍കിയിട്ടുണ്ട്. 
 

വായന ജീവിത വീക്ഷണത്തെ നവീകരിച്ച്  പുരോഗമന മുഖം നല്‍കുമെന്ന്  എം ബി രാജേഷ് എം.പി. പറഞ്ഞു. സര്‍വ ശിക്ഷാ അഭിയാന്‍ പാലക്കാട് ബ്ലോക്ക് പഞ്ചായത്ത് ഹാളില്‍ നടത്തിയ 'വായനാ വിസ്മയം' ജില്ലാതല സെമിനാര്‍ ഉദ്ഘാടനം ചെയ്ത് സംസാരിക്കുകയായിരുന്നു എം.പി. 'സോവിയറ്റ് യൂനിയനിലൂടെ'യെന്ന യാത്രാവിവരണ ഗ്രന്ഥം വിദ്യാര്‍ഥിയായിരിക്കെ തന്റെ ജീവിതത്തില്‍ നിര്‍ണായക സ്വാധീനം ചെലുത്തിയെന്ന് അദ്ദേഹം ഓര്‍മിച്ചു.

കൊല്ലം ഗവണ്‍മെന്റ് വിക്‌ടോറിയ ആശുപത്രിയില്‍ 50 പ്ലാസ്റ്റിക് കസേരകള്‍ വിതരണം ചെയ്യുവാന്‍ വ്യക്തികള്‍/സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു. നവംബര്‍ എട്ടിന് ഉച്ചയ്ക്ക് ഒരുമണിവരെ സമര്‍പ്പിക്കാം.

വിശദ വിവരങ്ങ ഓഫീസിലും 0474-2752700 എന്ന നമ്പരിലും ലഭിക്കും.

(പി.ആര്‍.കെ.നമ്പര്‍  2547/17)

നെടുമണ്‍കാവ് സാമൂഹ്യ ആരോഗ്യ കേന്ദ്രത്തിലെ ഫാര്‍മസിയില്‍ റാക്ക് നിര്‍മിക്കുന്നതിന് ടെണ്ടര്‍ ക്ഷണിച്ചു. നവംബര്‍ 15 ഉച്ചകഴിഞ്ഞ് രണ്ടുവരെ സമര്‍പ്പിക്കാം.

വിശദ വിവരങ്ങള്‍ ഓഫീസിലും 0474-2499270 എന്ന ഫോണ്‍ നമ്പരിലും ലഭിക്കും.

(പി.ആര്‍.കെ.നമ്പര്‍  2546/17)
 

കൊട്ടാരക്കര കൃഷി സമ്പ്രദായ ഗവേഷണ കേന്ദ്രത്തില്‍ ട്രാക്ടര്‍, പവ്വര്‍ ടില്ലര്‍, തെങ്ങുകയറ്റ യന്ത്രങ്ങള്‍, ബ്രഷ് കട്ടര്‍, നടീല്‍ യന്ത്രങ്ങള്‍, മിനി ടില്ലര്‍ എന്നീ കാര്‍ഷിക യന്ത്രങ്ങളില്‍ സൗജന്യ പ്രായോഗിക പരിശീലനം നല്‍കുന്നു.

കര്‍ഷകര്‍/യുവതീ യുവാക്കള്‍ 0474-2663535 എന്ന നമ്പരില്‍ പേര് രജിസ്റ്റര്‍ ചെയ്യണം.

(പി.ആര്‍.കെ.നമ്പര്‍  2545/17)

കുടുംബശ്രീ ജില്ലാ മിഷന്‍ ഓഫീസില്‍ ആറുമാസ കാലത്തേക്ക് ഒരു ജേര്‍ണലിസ്റ്റ് ഇന്റേണിനെ നിയോമിക്കുന്നു. യോഗ്യത - ജേര്‍ണലിസത്തില്‍ ബിരുദം/ബിരുദാനന്തര ബിരുദം.

പ്രായം 18നും 30 നും ഇടയില്‍. താത്പര്യമുള്ളവര്‍ ബയോഡാറ്റ, യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പ് എന്നിവ സഹിതം അപേക്ഷ നവംബര്‍ 20 നകം ജില്ലാ മിഷന്‍ കോ-ഓര്‍ഡിനേറ്റര്‍, കുടുംബശ്രീ, സിവില്‍ സ്റ്റേഷന്‍, കൊല്ലം-13 എന്ന വിലാസത്തില്‍ നല്‍കണം. തിരഞ്ഞെടുക്കുന്നവര്‍ക്ക് സ്റ്റൈപ്പന്റ് ലഭിക്കും. ഫോണ്‍-0474 2794692.

(പി.ആര്‍.കെ.നമ്പര്‍  2544/17)