തദ്ദേശ സ്വയംഭരണ വകുപ്പ് മന്ത്രിയുടെ നിര്‍ദ്ദേശാനുസരണം ചീഫ് ടൗണ്‍ പ്ലാനറുടെ നേതൃത്വത്തില്‍ ജില്ലാ നഗരാസൂത്രണ കാര്യാലയത്തില്‍ കെട്ടിട നിര്‍മ്മാണ അപേക്ഷകളിലേക്കുളള ഫയല്‍ അദാലത്ത് 23 ന് രാവിലെ 10 മണി മുതല്‍ 4 മണി വരെ നടത്തും.   ജില്ലാ നഗരാസൂത്രണ കാര്യാലയം, ഡി പി സി സെക്രട്ടറിയേറ്റ്, രണ്ടാം നില, സിവില്‍ സ്റ്റേഷന്‍, കണ്ണൂര്‍-2 എന്ന വിലാസത്തില്‍ പരാതികള്‍ 20 വരെ സ്വീകരിക്കും.  ഫോണ്‍: 0497 27077472.
പി എന്‍ സി/4310/2017
 

ഐ സി ഡി എസ് പദ്ധതി പ്രകാരമുളള സേവനങ്ങള്‍ മുഴുവന്‍ ഗുണഭോക്താക്കള്‍ക്കും ലഭ്യമാക്കുന്നതിനായി ഇതുവരെ ആധാര്‍ എടുത്തിട്ടില്ലാത്ത എല്ലാ ഗുണഭോക്താക്കളും ആധാര്‍ എടുത്ത് അടുത്തുളള അങ്കണവാടിയില്‍ 25 നകം ഹാജരാക്കണമെന്ന് ഐ സി ഡി എസ് ജില്ലാതല പ്രോഗ്രാം ഓഫീസര്‍ അറിയിച്ചു.
പി എന്‍ സി/4309/2017
 

ക്ഷീരവികസന വകുപ്പ് ജില്ലയിലെ ക്ഷീരകര്‍ഷകര്‍ക്കായി ഭക്ഷ്യസുരക്ഷാ നിയമത്തെക്കുറിച്ച്  ഏകദിന പരിശീലന പരിപാടി സംഘടിപ്പിക്കുന്നു.  17 ന് രാവിലെ 9.30 ന് ജില്ലാ പൊലീസ് എംപ്ലോയീസ് കോ ഓപ്പ് സൊസൈറ്റി കോണ്‍ഫറന്‍സ് ഹാളില്‍ ജില്ലാ പഞ്ചായത്ത് പ്രസിഡണ്ട് കെ വി സുമേഷ് പരിപാടി ഉദ്ഘാടനം ചെയ്യും.  ജില്ലാ പഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയര്‍മാന്‍ വി കെ സുരേഷ് ബാബു അധ്യക്ഷത വഹിക്കും.  

 ജില്ലയില്‍ വിവിധ വകുപ്പുകളില്‍ ഉണ്ടാകുന്ന ഫുള്‍ടൈം സ്വീപ്പര്‍മാരുടെ ഒഴിവുകളിലേക്ക് പരിഗണിക്കപ്പെടുന്നതിന് സമ്മതമാണെന്ന് അറിയിച്ച പാര്‍ട്ട് ടൈം ജീവനക്കാരെ ഉള്‍പ്പെടുത്തി തയ്യാറാക്കിയ ജില്ലാതല പൊതു സീനിയോറിറ്റി ലിസ്റ്റിന്റെ അന്തിമ പട്ടിക പ്രസിദ്ധീകരിച്ചു.  കലക്ടറേറ്റ് നോട്ടീസ് ബോര്‍ഡ്, ജില്ലാ കലക്ടറുടെ വെബ്‌സൈറ്റ്, ജില്ലാ ഇന്‍ഫര്‍മേഷന്‍ ഓഫീസ്, കലക്ടറേറ്റിലെ എ സെക്ഷന്‍ എന്നിവിടങ്ങളില്‍ പട്ടിക പരിശോധനക്ക് ലഭിക്കും.
പി എന്‍ സി/4306/2017
 

ജില്ലാ വിദ്യാഭ്യാസ വകുപ്പിന്റെയും ജില്ലാ ശിശുക്ഷേമ സമിതിയുടെയും ആഭിമുഖ്യത്തില്‍ ശിശുദിന റാലി സംഘടിപ്പിച്ചു. കണ്ണൂര്‍ പൊലീസ് മൈതാനിയില്‍ നിന്ന് ആരംഭിച്ച റാലി ജില്ലാ പഞ്ചായത്ത് വൈസ് പ്രസിഡണ്ട് പി പി ദിവ്യ ഫ്‌ളാഗ് ഓഫ് ചെയ്തു. വിദ്യാഭ്യാസ ഉപ ഡയറക്ടര്‍ യു കരുണാകരന്‍ അധ്യക്ഷത വഹിച്ചു. ജില്ലാ ശിശുക്ഷേമ സമിതി സെക്രട്ടറി എം ശ്രീധരന്‍ സ്വാഗതം ആശംസിച്ചു.

 കേരളത്തിലെ ജനസംഖ്യയില്‍ 20 ശതമാനവും പ്രമേഹരോഗ ബാധിതരാണെന്നും അതില്‍ പകുതിയിലേറെയും സ്ത്രീകളാണെന്നുമുള്ള റിപ്പോര്‍ട്ടുകളുടെ പശ്ചാത്തലത്തില്‍ സമൂഹം കൂടുതല്‍ ജാഗ്രത പാലിക്കണമെന്ന് പ്രമേഹദിനാചരണത്തിന്റെ ഭാഗമായി സ്ത്രീകളും പ്രമേഹവും എന്ന വിഷയത്തില്‍ സംഘടിപ്പിച്ച ബോധവല്‍ക്കരണ പരിപാടി ആഹ്വാനം ചെയ്തു. കേരളത്തിലെ ഗ്രാമീണ സ്ത്രീകളിലാണ് പുരുഷന്‍മാരെക്കാള്‍ പ്രമേഹ രോഗികള്‍ കൂടുതല്‍. കൃത്യമായ വൈദ്യ പരിശോധനകള്‍ നടത്താത്തതും വ്യായാമത്തിന്റെ കുറവും തെറ്റായ ഭക്ഷണ ശീലവുമാണ് ഇതിന്റെ പ്രധാന കാരണമെന്ന് പരിപാടിയില്‍ സംസാരിച്ചവര്‍ ചൂണ്ടിക്കാട്ടി. 

 തോട്ടട ഗവ.ഹയര്‍ സെക്കണ്ടറി സ്‌കൂള്‍ അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിന്റെ ഭാഗമായി നിര്‍മിക്കുന്ന ബഹുനില കെട്ടിടത്തിന്റെ പ്രവൃത്തി ഉദ്ഘാടനം തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി നിര്‍വഹിച്ചു. ഗ്രാമമെന്നോ നഗരമെന്നോ പാവപ്പെട്ടവനെന്നോ പണക്കാരനെന്നോ ഉള്ള വ്യത്യാസമില്ലാതെ എല്ലാവര്‍ക്കും ഉന്നതനിലവാരമുള്ള വിദ്യാഭ്യാസം ലഭ്യമാക്കുകയെന്നതാണ് പൊതുവിദ്യാഭ്യാസ സംരക്ഷണ യജ്ഞത്തിലൂടെ സംസ്ഥാന സര്‍ക്കാര്‍ ലക്ഷ്യമിടുന്നതെന്ന് അദ്ദേഹം പറഞ്ഞു. ഇത് വിജയിപ്പിക്കുന്നതില്‍ രക്ഷിതാക്കളും അധ്യാപകരും പൂര്‍വവിദ്യാര്‍ഥികളും നാട്ടുകാരും ഒന്നിച്ചിറങ്ങണമെന്നും അദ്ദേഹം പറഞ്ഞു. 

മീസില്‍സ്-റൂബെല്ല പ്രതിരോധ കുത്തിവെപ്പ് സ്‌കൂളുകളുടെ ഉത്തരവാദിത്തമായി കണ്ട് വിജയിപ്പിക്കാന്‍ എല്ലാ സ്ഥാപന മേധാവികളും തയ്യാറാകണമെന്ന് ജില്ലാ കലക്ടര്‍ മീര്‍ മുഹമ്മദലി നിര്‍ദേശിച്ചു. നിരക്ഷരരോ വേണ്ടത്ര വിദ്യാഭ്യാസമില്ലാത്തവരോ ആയ രക്ഷിതാക്കളുടെ അഭിപ്രായമല്ല, കുട്ടികളുടെ ഭാവിയാണ് ഇക്കാര്യത്തില്‍ പ്രധാനമെന്നും അദ്ദേഹം പറഞ്ഞു. സ്‌കൂള്‍ ഹെഡ്മാസ്റ്റര്‍മാര്‍, മാനേജര്‍മാര്‍, പിടിഎ ഭാരവാഹികള്‍ എന്നിവരുടെ യോഗത്തില്‍ സംസാരിക്കുകയായിരുന്നു അദ്ദേഹം. ചിലയിടത്തൊക്കെ എതിര്‍പ്പുമായി വരുന്നത് രക്ഷിതാക്കളല്ലാത്ത ചിലരാണ്. ഇത്തരക്കാരെ അറസ്റ്റ് ചെയ്ത് നിയമ നടപടിയെടുക്കും. 

കൊച്ചി: ഓണത്തോടനുബന്ധിച്ച് സപ്ലൈകോ വില്‍പ്പനശാലകളില്‍ നിന്ന് സാധനങ്ങള്‍ വാങ്ങിയവര്‍ക്കായി ഏര്‍പ്പെടുത്തിയ ഓണം സമ്മാനമഴ പദ്ധതി വിജയികളെ തിരഞ്ഞെടുത്തു. അഞ്ച് പവന്‍ സ്വര്‍ണ്ണത്തിന്റെ ബമ്പര്‍ സമ്മാനം എറണാകുളം പനങ്ങാട് സ്വദേശിനിയായ വി ബിന്ദുവിനാണ് ലഭിച്ചത്.  കൂപ്പണ്‍ നമ്പര്‍ 205414.

കൊച്ചി: ജില്ലാ ഭക്ഷ്യ സുരക്ഷാ അസിസ്റ്റന്റ് കമ്മീഷണറുടെ കാര്യാലയത്തിലേക്ക് വാഹനം പ്രതിമാസ വാടകയിനത്തില്‍ ഡ്രൈവര്‍ ഉള്‍പ്പെടെ നല്‍കുവാന്‍ കഴിയുന്നവരില്‍ നിന്ന് മുദ്രവച്ച ദര്‍ഘാസുകള്‍ ക്ഷണിച്ചു.

ദര്‍ഘാസുകള്‍ നവംബര്‍ 28-ന് ഉച്ചയ്ക്ക് രണ്ടു വരെ നല്‍കാം. കൂടുതല്‍ വിവരങ്ങള്‍ക്ക് ഫോണ്‍ 0484-2784807.