ഛായാഗ്രാഹകന്‍ നിഖില്‍. എസ്. പ്രവീണിന് നാടിന്റെ ആദരം
മികച്ച ചലച്ചിത്ര ഛായാഗ്രാഹകനുള്ള ദേശീയ പുരസ്‌കാരം നേടിയ നിഖില്‍. എസ്. പ്രവീണിന് ജ•നാടിന്റെ ആദരം. അകലക്കുന്നം ഗ്രാമ പഞ്ചായത്തിന്റെ നേതൃത്വത്തിന്‍ നടത്തിയ സ്വീകരണം മുന്‍ മുഖ്യമന്ത്രി ഉമ്മന്‍ ചാണ്ടി എം.എല്‍.എ ഉദ്ഘാടനം ചെയ്തു. നമ്മുടെ നാട്ടിലെ പ്രതിഭകളെ കണ്ടെത്താനും പ്രോത്സാഹിപ്പിക്കാനുമുള്ള ബാധ്യത ഓരോരുത്തര്‍ക്കുമുണ്ടെന്ന് അദ്ദേഹം പറഞ്ഞു. ചെറിയ പ്രായത്തില്‍ നിഖില്‍ നേടിയ നേട്ടം അകലക്കുന്നം ഗ്രാമത്തെ ഇന്ത്യയുടെ നെറുകയിലെത്തിച്ചു. ഇനിയും ഏറെ നേട്ടങ്ങള്‍ അദ്ദേഹത്തെ കാത്തിരിക്കുന്നു. -അദ്ദേഹം പറഞ്ഞു. പാമ്പാടി ബ്ലോക്ക് പഞ്ചായത്ത് പ്രസിഡന്റ് മാത്തച്ചന്‍ താമരശ്ശേരി അധ്യക്ഷത വഹിച്ചു. മാതാപിതാക്കളും ഗുരുക്ക•ാരും സഹോദരനും സുഹൃത്തുക്കളും തന്ന പിന്തുണയാണ് തന്റെ നേട്ടത്തിനു പിന്നിലെന്ന് നിഖില്‍ മറുപടി പ്രസംഗത്തില്‍ പറഞ്ഞു.
ഡോ. എന്‍. ജയരാജ് എം.എല്‍.എ മുഖ്യപ്രഭാഷണം നടത്തി. കെ.ആര്‍. നാരായണന്‍ ഇന്‍സ്റ്റിറ്റ്യൂട്ട് ഡയറക്ടര്‍ ഡോ. കെ. അമ്പാടി, അകലക്കുന്നം ഗ്രാമ പഞ്ചായത്ത് പ്രസിഡന്റ് സണ്ണി എബ്രഹാം, ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ സണ്ണി പാമ്പാടി, ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ബെറ്റി റോയി, പാമ്പാടി ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാന്റ്റിംഗ് കമ്മിറ്റി ചെയര്‍മാന്‍ സാജന്‍ തൊടുക, ബ്ലോക്ക് പഞ്ചായത്ത് മെമ്പര്‍ ജ്യോതി ബാലകൃഷ്ണന്‍, എന്‍. ഹരി തുടങ്ങിയവര്‍ സംസാരിച്ചു. ബ്ലോക്ക്- ഗ്രാമ പഞ്ചായത്ത് മെമ്പര്‍മാര്‍, രാഷ്ട്രീയ കക്ഷി പ്രതിനിധികള്‍ തുടങ്ങിയവര്‍ പങ്കെടുത്തു.
(കെ.ഐ.ഒ.പി.ആര്‍-799/18)
- Log in to post comments