അഴിയൂരില് വികസനപദ്ധതിക്ക് അംഗീകാരം
അഴിയൂര് ഗ്രാമപഞ്ചായത്തില് സേവന മേഖലയിലെ പ്രവര്ത്തനങ്ങള്ക്ക് പ്രാധാന്യം നല്കി 2021-22 വര്ഷത്തെ ജനകീയാസൂത്രണ പദ്ധതിക്ക് വികസന സെമിനാര് അംഗീകാരം നല്കി. ആകെ 4 കോടി രൂപയുടെ വികസന പദ്ധതിക്കാണ് വികസന സെമിനാര് അംഗീകരിച്ചത് .
ഉല്പ്പാദന മേഖലയ്ക്ക് 4988400 രൂപയും ലൈഫ് പാര്പ്പിട പദ്ധതിക്ക് 4467000 രൂപയും കുട്ടികള്, ഭിന്നശേഷിക്കാര് എന്നിവര്ക്ക് 908900, വയോജനങ്ങള്ക്ക് 908900 രൂപയും വകയിരുത്തി . വനിതാമേഖലയ്ക്ക് 1817800 രൂപയും അനുവദിച്ചു. സര്ക്കാരിന്റെ നിലാവ് പദ്ധതി ( തെരുവ് വിളക്കുകള് കിഫ്ബി സഹായത്തോടെ എല് ഇ ഡി യിലേക്ക് മാറ്റുന്നത് ) നടപ്പിലാക്കും. പൗരാവകാശ രേഖയും ജൈവ വൈവിധ്യ രജിസ്റ്ററും കലാനുസൃതമായി പുതുക്കും.
വികസന സെമിനാര് പഞ്ചായത്ത് പ്രസിഡണ്ട് ആയിഷ ഉമ്മര് ഉല്ഘാടനം ചെയ്തു . പഞ്ചായത്ത് വൈസ് പ്രസിഡണ്ട് തോട്ടത്തില് ശശിധരന് അദ്ധ്യക്ഷത വഹിച്ചു . വികസന സ്റ്റാന്റിംഗ് കമ്മിറ്റി ചെയര്പേഴ്സണ് അനിഷ ആനന്ദസദനം കരട് പദ്ധതി അവതരിപ്പിച്ചു. പഞ്ചായത്ത് സെക്രട്ടറി ടി ഷാഹുല് ഹമീദ് വികസന നയം അവതരിപ്പിച്ചു. സ്റ്റാന്റിംഗ് കമ്മിറ്റി ചെയര്മാന്മാരായ റഹീം പുഴയ്ക്കല് പറമ്പത്ത്, രമ്യ കരോടി, നിര്വ്വഹണ ഉദ്ദോഗസ്ഥന്മാര്, ജനപ്രതിനിധികള് എന്നിവര് സംസാരിച്ചു.
- Log in to post comments