ജില്ലയിൽ ഇന്ന് കോവിഷീൽഡ് കുത്തിവെപ്പെടുത്തത് ആകെ 962 കോവാക്സിൻ കുത്തിവെപ്പെടുത്തവർ 1393

ജില്ലയിൽ ഇന്ന് (20.05.2021) അനുബന്ധ ആരോഗ്യ സങ്കീർണതകളുള്ള 18 വയസ്സിനു മുകളിലും 45 വയസ്സിനു താഴെയുമായി 434 പേർ കോവിഷീൽഡ് ഒന്നാം ഡോസ് കുത്തിവെപ്പെടുത്തു. ഇതിൽ 263 പുരുഷൻമാരും 171 സ്ത്രീകളും ഉൾപ്പെടും. 16 സെഷനുകളിലായിട്ടാണ് ഇവർക്കുള്ള കുത്തിവെപ്പ് നടന്നത്. 

ഇതു കൂടാതെ 8 ആരോഗ്യ പ്രവർത്തകർ ഒന്നാം ഡോസും, 34 മുന്നണി പ്രവർത്തകർ ഒന്നാം ഡോസും  45 മുതൽ 60 വയസ്സുവരെയുള്ള 356 പേർ ഒന്നാം ഡോസും, 60 വയസ്സിനു മുകളിലുള്ള 130 പേർ ഒന്നാം ഡോസും കോവിഷീൽഡ് കുത്തിവെപ്പെടുത്തിട്ടുണ്ട്

18 വയസ്സിനു മുകളിലുള്ള അനുബന്ധ ആരോഗ്യ സങ്കീർണതകളുള്ള 66 പേർ ഒന്നാം ഡോസ് കോവാക്സിൻ കുത്തിവെപ്പെടുത്തിട്ടുണ്ട്. ഇതിൽ 37 പുരുഷൻമാരും 29 സ്ത്രീകളും ഉൾപ്പെടും.2 സെഷനുകളിലായിട്ടാണ് ഈ കുത്തിവെപ്പുകൾ നടന്നത്

5 സെഷനുകളിലായി 4 പേർ ഒന്നാം ഡോസും ഒരാൾ രണ്ടാം ഡോസുമടക്കം 5 മുന്നണി പ്രവർത്തകരും, 45 നും 60നും ഇടയിലുള്ള 755 പേർ ഒന്നാം ഡോസും 134 പേർ രണ്ടാം ഡോസും അടക്കം 889 പേരും, 60 വയസ്സിനു മുകളിലുള്ള 371 പേർ ഒന്നാം ഡോസും 62 പേർ രണ്ടാം ഡോസും അടക്കം 433 പേരും കോവാക്സിൻ കുത്തിവെപ്പെടുത്തിട്ടുണ്ട്.

കുത്തിവെപ്പെടുത്ത ആർക്കും തന്നെ പറയത്തക്ക ആരോഗ്യ പ്രശ്നങ്ങളോ അസ്വസ്ഥതകളോ ഉണ്ടായിട്ടില്ലെന്ന് ജില്ലാ മെഡിക്കൽ ഓഫീസർ ഡോ.റീത്ത കെ.പി അറിയിച്ചു