ജില്ലയിലെ കണ്ടെയിന്‍മെന്റ് സോണുകള്‍

ജില്ലയില്‍ കോവിഡ് കേസുകള്‍ ക്രമാതീതമായി വര്‍ദ്ധിച്ചു വരുന്ന സാഹചര്യത്തില്‍ കേസുകള്‍ കൂടുതല്‍ റിപ്പോര്‍ട്ട് ചെയ്ത തദ്ദേശസ്വയംഭരണ സ്ഥാപനങ്ങളിലെ വര്‍ഡുകള്‍ കണ്ടെയിന്‍മെന്റ് സോണായി പ്രഖ്യാപിച്ച് ജില്ലാ ദുരന്തനിവാരണ അതോറിറ്റി ഡെപ്യൂട്ടി കലക്ടര്‍ ഉത്തരവിട്ടു. 

 മേപ്പയൂര്‍ ഗ്രാമപഞ്ചായത്ത് - വാര്‍ഡ് 6,  കൊടിയത്തൂര്‍ ഗ്രാമപഞ്ചായത്ത്  - വാര്‍ഡ്് 14 ചുളളിക്കാപറമ്പ് ഈസ്റ്റില്‍പ്പെട്ട അക്കരപറമ്പ് പ്രദേശം,  തിരുവമ്പാടി ഗ്രാമപഞ്ചായത്ത് - വാര്‍ഡ് 16,  ഫറോക്ക് മുന്‍സിപ്പാലിറ്റി - ഡിവിഷന്‍ 5 ലെ കടായിതടം മുതല്‍ മങ്ങാട്ടുനിലം വരെയുളള ഭാഗം,  കുരുവട്ടൂര്‍ ഗ്രാമപഞ്ചായത്ത് - വാര്‍ഡ് 8 ലെ  കോണോട്ട് മദ്രസ്സയുടെ വലതുവശത്ത് ചെന്നിലേരി, നൊച്ചമണ്ണില്‍ ഇരിപ്പോടമണ്ണില്‍ എന്നീ ഭാഗങ്ങള്‍മാത്രം,  കൊയിലാണ്ടി മുന്‍സിപ്പാലിറ്റി - വാര്‍ഡ് 21,22,23 കളിലെ കാവുവട്ടം എം യു പി സ്‌കൂള്‍ മുക്ക് മുതല്‍ കാവുംവട്ടം ടൗണ്‍ ഇരുവശവും കണ്ണമ്പത്ത്താഴെ മുക്ക് വരെ ഇരുവശവുമുളള പ്രദേശങ്ങള്‍,  കൊയിലാണ്ടി മുന്‍സിപ്പാലിറ്റി - വാര്‍ഡ് 22 ലെ കണ്ണമ്പത്ത് താഴമുക്ക് മുതല്‍ റോഡിന്റെ കിഴക്ക് ഭാഗം, ചീക്കിലോട്ട്കണ്ടി - എടച്ചംപുറത്ത് മീത്തല്‍ കോളനി വരെയുളള പ്രദേശം, 
 കൊയിലാണ്ടി മുന്‍സിപ്പാലിറ്റി - വാര്‍ഡ് 33 ലെ നാഷണല്‍ ഹൈവേയോട് അഭിമുഖമായി നില്‍ക്കുന്ന സ്ഥലങ്ങളും നഗരസഭാ മാര്‍ക്കറ്റ് ഒഴികെയുളള മുഴുവന്‍ പ്രദേശങ്ങളും  കടലുണ്ടി ഗ്രാമപഞ്ചായത്ത് - വാര്‍ഡ് 17 ലെ വട്ടപറമ്പ സ്‌കൂള്‍ - പട്ടയില്‍ റോഡ് - മടത്തില്‍പടി റോഡ് - വട്ടപട്ടം ചാലിയപടം റോഡ് എന്നീ സ്ഥലങ്ങളാണ് കണ്ടെയിന്‍മെന്റ് സോണുകളായി പ്രഖ്യാപിച്ചത്.

കണ്ടെയിന്‍മെന്റ് സോണില്‍പ്പെട്ട എല്ലാവരും കോവിഡ് പരിശോധനയ്ക് വിധേയരാകണമെന്നും കോവിഡ് പരിശോധന പൂര്‍ത്തിയാക്കിയ വിവരം സെക്രട്ടറിമാര്‍ ജില്ലാദുരന്തനിവാരണ അതോറിറ്റിയെ അറിയിക്കുന്ന മുറക്ക് കണ്ടെയിന്‍മെന്റ് സോണുകള്‍ 7 ദിവസത്തിന് ശേഷം ഒഴിവാക്കുമെന്നും ദുരന്തനിവാരണ അതോറിറ്റി ഡെപ്യൂട്ടി കലക്ടര്‍ അറിയിച്ചു.