പരിസ്ഥിതി ദിനാചരണം

ജില്ലാ ശുചിത്വമിഷന്‍ സ്റ്റേറ്റ് ബാങ്ക് ഓഫ് ഇന്ത്യയുടെ സഹകരണത്തോടെ ജില്ലയിലെ എല്ലാ സ്‌കൂളുകളിലും പ്രവര്‍ത്തന പരിപാടികള്‍ നടത്തുന്നു.  ഇന്ന് (ജൂണ്‍ 5) രാവിലെ സ്‌കൂള്‍ അസംബ്ലിയില്‍ പരിസ്ഥിതിദിന പ്രതിജ്ഞ, ലഘു ക്ലാസ് എന്നിവ നടക്കും.  കുട്ടികള്‍ സ്‌കൂള്‍ പരിസരത്തെ പ്ലാസ്റ്റിക് മാലിന്യം ശേഖരിച്ച് വൃത്തിയാക്കി സൂക്ഷിക്കും.  ഏറ്റവും നന്നായി പ്രവര്‍ത്തനം സംഘടിപ്പിക്കുന്ന പഞ്ചായത്തിലെ ഒരു സ്‌കൂളിന് എസ്.ബി.ഐ. സമ്മാനം നല്‍കും.  പരിപാടിയുടെ ജില്ലാതല ഉദ്ഘാടനം വഴുതയ്ക്കാട് കോട്ടണ്‍ഹില്‍ ഗവണ്‍മെന്റ് ഗേള്‍സ് ഹൈസ്‌കൂളില്‍ രാവിലെ 9.30 ന് നടക്കും.
(പി.ആര്‍.പി 1605/2018)