യൂത്ത് ക്ലബ് അവാര്‍ഡിന് അപേക്ഷിക്കാം

ആലപ്പുഴ: നെഹ്‌റു യുവ കേന്ദ്രയുടെ യൂത്ത് ക്ലബ് അവാര്‍ഡിന് അപേക്ഷ ക്ഷണിച്ചു.  യുവജനക്ഷേമം, കായികം, കല, ആരോഗ്യം, വിദ്യാഭ്യാസം, തൊഴില്‍, സാമൂഹ്യക്ഷേമം എന്നീ മേഖലകളില്‍ മികച്ച പ്രവര്‍ത്തനം നടത്തുന്ന നെഹ്‌റു യുവ കേന്ദ്രയില്‍ അഫിലിയേഷനുള്ള യുവജന സംഘടനകളെയാണ് പരിഗണിക്കുന്നത്.

ജില്ലാതലത്തില്‍ 25000 രൂപയും സംസ്ഥാന തലത്തില്‍ 75000 രൂപയുമാണ് അവാര്‍ഡ് തുക. ദേശീയ തലത്തില്‍ മൂന്നു ലക്ഷം, ഒരു ലക്ഷം, 50000 എന്ന ക്രമത്തില്‍ മൂന്ന് അവാര്‍ഡുകളാണുള്ളത്. 2020 ഏപ്രില്‍ ഒന്നു മുതല്‍ 2021 മാര്‍ച്ച് 31 വരെയുള്ള പ്രവര്‍ത്തനങ്ങളാണ് വിലയിരുത്തുന്നത്.

കഴിഞ്ഞ മൂന്ന് വര്‍ഷങ്ങളില്‍ അവാര്‍ഡ് ലഭിച്ച ക്ലബ്ബുകള്‍ അപേക്ഷിക്കേണ്ടതില്ല. നിശ്ചിത മാതൃകയിലുള്ള അപേക്ഷ ഫോട്ടോ, വീഡിയോ, പത്ര കട്ടിങ്ങുകള്‍, ചാര്‍ട്ടേര്‍ഡ് അക്കൗണ്ടന്‍റ് ഓഡിറ്റ് ചെയ്ത വരവുചെലവ് കണക്കുകള്‍ എന്നിവ ഉള്‍പ്പെടെ നവംബര്‍ 15നകം സമര്‍പ്പിക്കണം.

അപേക്ഷാ ഫോറത്തിനും കൂടുതല്‍ വിവരങ്ങള്‍ക്കും ജില്ലാ നെഹ്‌റു യുവ കേന്ദ്ര ഓഫീസുമായോ ബ്ലോക്ക് ലെവല്‍ വോളണ്ടിയര്‍മാരുമായോ ബന്ധപ്പെടണം. ഫോണ്‍: 0477 2236542, 8714508255.