ശക്തമായ കാറ്റിനും മോശം കാലാവസ്ഥയ്ക്കും സാധ്യത; മത്സ്യത്തൊഴിലാളികള് ഒരു കാരണവശാലും കടലില് പോകരുത്
**കേരള തീരത്ത് നവംബര് 14 വരെ മത്സ്യബന്ധനം പാടില്ല
ഇന്നും (നവംബര് 12) നവംബര് 14 നും കേരള തീരത്തും അതിനോട് ചേര്ന്ന് കിടക്കുന്ന തെക്ക്-കിഴക്കന് അറബിക്കടലിലും മണിക്കൂറില് 40 മുതല് 50 കിലോമീറ്റര് വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
കേരള തീരത്ത് ഈ ദിവസങ്ങളില് ഒരു കാരണവശാലും മത്സ്യബന്ധനം പാടില്ലെന്ന് ജില്ലാ കളക്ടര് ഡോ.നവ്ജ്യോത് ഖോസ അറിയിച്ചു.
ഇന്നും നാളെയും ഗള്ഫ് ഓഫ് മാന്നാര്, കന്യാകുമാരി പ്രദേശം എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു. ഈ ദിവസങ്ങളില് മേല്പ്പറഞ്ഞ പ്രദേശങ്ങളില് മത്സ്യബന്ധനത്തിന് പോകാന് പാടില്ലെന്ന് അറിയിപ്പില് പറയുന്നു.
ന്യൂനമര്ദ്ദത്തിന്റെ ഫലമായി കേരളത്തില് നവംബര് 15 വരെ ഒറ്റപ്പെട്ടതും ശക്തമായതും അതിശക്തമായതുമായ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു.
- Log in to post comments