വിജയോത്സവം: ഉന്നത വിജയം കൈവരിച്ചവരെ ആദരിക്കുന്നു

ജില്ലയില്‍ എസ്.എസ്.എല്‍.എസി, പ്ലസ് ടു, വി.എച്ച്.എസ്.സി, ടി.എച്ച്.എസ് പരീക്ഷകളില്‍ സമ്പൂര്‍ണ എ പ്ലസ് നേടിയ സര്‍ക്കാര്‍-എയ്ഡഡ് വിദ്യാലയങ്ങളിലെ വിദ്യാര്‍ഥികളെയും 100 ശതമാനം വിജയം കൈവരിച്ച വിദ്യാലയങ്ങളെയും മികച്ച വിജയം നേടിയ ഭിന്നശേഷിയുള്ള വിദ്യാര്‍ഥികളെയും ജില്ലാ പഞ്ചായത്ത് അനുമേദിക്കും. ജില്ലയിലെ വിദ്യാഭ്യാസ നിലവാരം മെച്ചപ്പെടുത്തുന്നതിന്‍റെ ഭാഗമായി നടപ്പാക്കിയ വിവിധ പദ്ധതികളുടെ ഫലപ്രാപ്തി കൂടിയാണ് മികച്ച വിജയ ശതമാനം. ഒറ്റപ്പാലം വിദ്യാഭ്യാസ ജില്ലയ്ക്ക് കീഴില്‍ ജൂണ്‍ 23 രാവിലെ 10 ന് ഈസ്റ്റ് ഹൈസ്കൂളിലും മണ്ണാര്‍ക്കാട് വിദ്യാഭ്യാസ ജില്ലയില്‍ ഉച്ചയ്ക്ക് രണ്ടിന് നെല്ലിപ്പുഴ ഡി.എച്ച്.എസിലും വിജയോത്സവം നടത്തും. പാലക്കാട് ബി.ഇ.എം ഹൈസ്കൂളില്‍ ജൂണ്‍ 24 രാവിലെ 10ന് പാലക്കാട് വിദ്യാഭ്യാസ ജില്ലയ്ക്ക് കീഴിലെ വിദ്യാര്‍ഥികളെ അനുമോദിക്കും. വിജയികളായ മുഴുവന്‍ വിദ്യാര്‍ഥികളെയും അധ്യാപകരെയും ഉദ്യോഗാര്‍ഥികളും വിജയോത്സവം 2018ല്‍ പങ്കെടുക്കണമെന്ന് ജില്ലാ പഞ്ചായത്ത് സെക്രട്ടറി അറിയിച്ചു.