Post Category
കുടുംബശ്രീ ജനകീയ ഹോട്ടല്‍ ഉദ്ഘാടനം ചെയ്തു
കൊയിലാണ്ടി നഗരസഭയുടെ നാലാമത് കുടുംബശ്രീ ജനകീയ ഹോട്ടല്‍ നഗരസഭ വൈസ് ചെയര്‍മാന്‍ അഡ്വ. കെ സത്യന്‍ ഉദ്ഘാടനം ചെയ്തു. കൊയിലാണ്ടി നാഷനല്‍ ഹൈവേയില്‍ ബപ്പന്‍ കാട് ജംഗ്ഷനിലാണ് ഹോട്ടല്‍ ആരംഭിച്ചത്. പൊതുമരാമത്ത് സ്റ്റാന്റിംഗ് കമ്മറ്റി ചെയര്‍മാന്‍ ഇ.കെ. അജിത് അധ്യക്ഷത വഹിച്ചു. കുടുംബശ്രീ ജില്ലാ മിഷന്‍ കോര്‍ഡിനേറ്റര്‍ പി.സി കവിത മുഖ്യാതിഥിയായി.
കൗണ്‍സിലര്‍മാരായ മനോജ് പയറ്റുവളപ്പില്‍, വി.പി ഇബ്രാഹിം കുട്ടി, നന്ദനന്‍ കെ.എം, വി. രമേശന്‍, എ. അസീസ്, സി.ഡി.എസ് ചെയര്‍പേഴ്‌സണ്‍ ഇന്ദുലേഖ തുടങ്ങിയവര്‍ സംസാരിച്ചു.
date
- Log in to post comments