Post Category
കൊവിഡ് ബാധിതര്ക്ക് ഹോം ഐസൊലേഷനുള്ള പുതിയ മാര്ഗ്ഗനിര്ദ്ദേശങ്ങള്
രോഗലക്ഷണങ്ങള് ഇല്ലാത്തവരും ലഘുവായ രോഗലക്ഷണങ്ങള് ഉള്ളവരുമായ കോവിഡ് ബാധിതര് ഡോക്ടറുടെ നിര്ദേശപ്രകാരം വീടുകളില് തന്നെ മറ്റുള്ളവരുമായി സമ്പര്ക്കമില്ലാതെ ഇരുന്നാല് മതിയെന്ന് ജില്ലാ മെഡിക്കല് ഓഫീസര് അറിയിച്ചു. രോഗിക്ക് മാത്രമായി ഉപയോഗിക്കാന് പ്രത്യേക മുറിയും ശുചിമുറിയും ഉണ്ടാകണം. രോഗി വീട്ടിലെ പൊതു ഇടങ്ങള് ഉപയോഗിക്കുകയോ, പത്രങ്ങള്, ടെലിവിഷന് റിമോട്ട് തുടങ്ങിയ സാധനങ്ങള് കൈമാറി ഉപയോഗിക്കുകയോ ചെയ്യരുത്. വീട്ടിലെ മറ്റ് അംഗങ്ങള് സമ്പര്ക്ക വിലക്കില് കഴിയേണ്ടതുമാണ്. രോഗിയെ പൂര്ണ സമയവും പരിപാലിക്കാന് ആരോഗ്യമുള്ള ഒരാള് ഉണ്ടാകണം.
date
- Log in to post comments