സര്‍വോദയപക്ഷ ഖാദി വിപണന മേള നാളെ മുതല്‍

കേരളാ ഖാദി  ഗ്രാമ വ്യവസായ ബോര്‍ഡ് സര്‍വോദയ പക്ഷത്തോട് അനുബന്ധിച്ച്   നാളെ (ഫെബ്രുവരി ഒന്‍പത്) മുതല്‍ 14 വരെ 'സര്‍വോദയപക്ഷ ഖാദി വിപണന മേള  2022' സംഘടിപ്പിക്കുന്നു.  ഖാദി  ഗ്രാമ വ്യവസായ ബോര്‍ഡിന്റെ കീഴിലുള്ള വില്‍പന കേന്ദ്രങ്ങളില്‍ ഖാദി തുണിത്തരങ്ങള്‍ക്ക് 20 ശതമാനം മുതല്‍ 30 ശതമാനം വരെ സ്‌പെഷ്യല്‍ റിബേറ്റ് ലഭിക്കും. ഖാദി ബോര്‍ഡിന്റെ കീഴിലുള്ള മലപ്പുറം മുന്‍സിപ്പല്‍ ബസ്റ്റാന്റ് കെട്ടിടത്തിലുള്ള ഖാദി ഗ്രാമ സൗഭാഗ്യ, ചങ്ങരംകുളം ഖാദി സൗഭാഗ്യ, എടപ്പാള്‍ ഖാദി സൗഭാഗ്യ, താനൂര്‍ ഖാദി സൗഭാഗ്യ, വടക്കുമുറി ഖാദി സൗഭാഗ്യ എന്നിവിടങ്ങളിലും വിവിധ ഗ്രാമ സൗഭാഗ്യകളിലും സ്‌പെഷ്യല്‍ മേളകള്‍ സംഘടിപ്പിച്ചിട്ടുണ്ട്. സര്‍ക്കാര്‍, അര്‍ധ സര്‍ക്കാര്‍, പൊതുമേഖലാ, സഹകരണ മേഖല, ബാങ്കിങ് ജീവനക്കാരും പൊതു ജനങ്ങളും ഈ ആനുകൂല്യം പരമാവധി പ്രയോജനപ്പെടുത്തണമെന്ന് ജില്ലാ ഖാദി ഗ്രാമ വ്യവസായ ഓഫീസ് പ്രൊജക്ട് ഓഫീസര്‍ അറിയിച്ചു.