റോഡുകളുടെ പുനരുദ്ധാരണത്തിന് തുക അനുവദിച്ചു

കുന്നംകുളം നഗരസഭയുടെയും ചൊവ്വന്നൂര്‍ ബ്ലോക്കിലെ വിവിധ പഞ്ചായത്തുകളുടെയും റോഡുകളുടെ പുനരുദ്ധാരണത്തിനായി ഒരുകോടി രൂപ അനുവദിച്ചു. 2021-22ലെ വെള്ളപ്പൊക്ക ദുരിതാശ്വാസ പദ്ധതികളുടെ ഭാഗമായാണ് ഭരണാനുമതി. കഴിഞ്ഞ കാലവര്‍ഷക്കെടുതി മൂലം ഗതാഗത യോഗ്യമല്ലാത്ത റോഡുകളുടെ അടിയന്തിര പുനരുദ്ധാരണ പ്രവര്‍ത്തനങ്ങള്‍ ഒന്നര വര്‍ഷം കൊണ്ട് പൂര്‍ത്തീകരിക്കണമെന്ന നിര്‍ദ്ദേശപ്രകാരമാണ് തുക അനുവദിച്ചത്. കുന്നംകുളം നഗരസഭ പരിധിയില്‍ വരുന്ന പതിനാറാം വാര്‍ഡിലെ തിരുവോണം റോഡിന് 9 ലക്ഷം, മുപ്പത്തിമൂന്നാം വാര്‍ഡിലെ കമ്പിപ്പാലം - വയലോരം റോഡിന് 10 ലക്ഷം, കടങ്ങോട് പഞ്ചായത്തിലെ മണ്ണാന്‍കുന്ന് പള്ളി- മേപ്പുറം ഞാവല്‍ റോഡിന് 10 ലക്ഷം, സക്കീര്‍ഹുസൈന്‍ റോഡിന് 8.4 ലക്ഷം, വേലൂര്‍ പഞ്ചായത്തിലെ ലിങ്ക് റോഡ്- താമരതിരുത്തി ക്ഷേത്രം റോഡ് 10 ലക്ഷം, പഞ്ചായത്ത് ഓഫീസ് കുറുമാല്‍ റോഡ്് ആറ് ലക്ഷം, എരുമപ്പെട്ടി ഐ ടി സി റോഡ് നവീകരണത്തിന് 10 ലക്ഷം, മുട്ടിക്കല്‍ കര്‍ക്കടകത്തുകാവ് ആറ്റത്ര റിച്ച് റോഡ് 9 ലക്ഷം, ചൊവ്വന്നൂര്‍ ചെമ്മന്തട്ട സെന്റര്‍ മുതല്‍ മഠത്തില്‍മന റോഡ് വഴി പുള്ളിഞ്ചോട് വരെ 5 ലക്ഷം, മൊബൈല്‍ ടവര്‍ വഴി ചൊവ്വന്നൂര്‍ ബ്ലോക്ക് മുതല്‍ സ്‌കൂള്‍ വരെയുള്ള റോഡ് 4 ലക്ഷം, കടവല്ലൂര്‍ അമ്പലം കോട്ടോല്‍ മുക്കൂട്ട റോഡിന് 9.6 ലക്ഷം, ആലിന്‍തൈ ആനക്കല്ല് റോഡ് 9 ലക്ഷം എന്നിങ്ങനെയാണ് ഭരണാനുമതി ലഭിച്ചത്.