Post Category
മേപ്പയ്യൂരില് പ്രവാസി ഭദ്രതാ പദ്ധതി ആരംഭിച്ചു
മേപ്പയ്യൂര് ഗ്രാമപഞ്ചായത്തില് പ്രവാസി ഭദ്രതാ പദ്ധതി ആരംഭിച്ചു. വിദേശത്തുനിന്ന് തിരിച്ചെത്തിയ പ്രവാസികളെ സഹായിക്കാന് സംസ്ഥാന സര്ക്കാര് സി.ഡി.എസ് മുഖേന നടപ്പിലാക്കുന്ന പദ്ധതിയാണിത്. പഞ്ചായത്ത് പ്രസിഡന്റ് കെ.ടി.രാജന് ഉദ്ഘാടനം നിര്വ്വഹിച്ചു.
സി.ഡി.എസ്.ചെയര്പേഴ്സണ് ഇ ശ്രീജയ അധ്യക്ഷത വഹിച്ചു. പഞ്ചായത്ത് പ്രസിഡന്റും സി.ഡി.എസ് മുന് ചെയര്പേഴ്സണ് കെ.കെ.ഗീതയും കൂടി ആദ്യ ഗഡുവിന്റെ ചെക്ക് വിതരണം ചെയ്തു. ആരോഗ്യ-വിദ്യാഭ്യാസ സ്ഥിരം സമതി ചെയര്മാന് ഭാസ്കരന് കൊഴുക്കല്ലൂര്, ഉപസമതി കണ്വീനര് ശാലിനി, സി.ഡി.എസ് വൈസ് ചെയര്പേഴ്സണ് കെ.പി. ബിന്ദു എന്നിവര് സംസാരിച്ചു.
date
- Log in to post comments