അപേക്ഷ ക്ഷണിച്ചു

കല്ല്യാശ്ശേരി ബ്ലോക്ക് പഞ്ചായത്ത് പ്രധാന്‍മന്ത്രി ആവാസ് യോജന(ഗ്രാമീണ്‍) ഭവനപദ്ധതിയിലേക്ക് അര്‍ഹരായ ഗുണഭോക്താക്കളില്‍ നിന്നും അപേക്ഷ ക്ഷണിച്ചു.  അപേക്ഷയോടൊപ്പം റേഷന്‍ കാര്‍ഡിന്റെ പകര്‍പ്പ്, ആധാര്‍ കാര്‍ഡിന്റെ പകര്‍പ്പ്, ഭൂനികുതി രശീതി, ബേങ്ക് പാസ്സ് ബുക്കിന്റെ കോപ്പി എന്നിവ ഹാജരാക്കേണ്ടതാണ്.  ഗ്രാമപഞ്ചായത്ത് വി.ഇ.ഒ. ഓഫീസ് മുഖേനയാണ് അപേക്ഷ സ്വീകരിക്കുന്നത്.  ജൂലൈ 16 ന് ഉച്ചക്ക് 1 മണി വരെ അപേക്ഷ സ്വീകരിക്കും.