Post Category
ജാഗ്രതാ പരിശീലനം നല്കി
സ്ത്രീകള്ക്കും കുട്ടികള്ക്കും നേരെയുണ്ടാകുന്ന അതിക്രമങ്ങള് ചെറുക്കാന് കുന്നുമ്മല് ബ്ലോക്ക് പഞ്ചായത്തിന് കീഴിലുള്ള വനിതകള്ക്ക് ജാഗ്രതാ പരിശീലനം നല്കി. കോഴിക്കോട് ജില്ലാ പഞ്ചായത്തും കുന്നുമ്മല് ബ്ലോക്ക് പഞ്ചായത്തും സംയുക്തമായാണ് പരിശീലനം സംഘടിപ്പിച്ചത്.
പരിപാടി ജില്ലാ പഞ്ചായത്ത് ക്ഷേമകാര്യ സ്റ്റാന്ഡിങ് കമ്മറ്റി ചെയര്മാന് പി സുരേന്ദ്രന് ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് കെ പി ചന്ദ്രി അധ്യക്ഷയായി. ജില്ലാ കൗണ്സിലര് ഡോ: ടി ബി ഭാര്ഗവന്, ജില്ലാ ശിശു വികസന ഓഫീസര് അബ്ദുള് ബാരി എന്നിവര് ക്ലാസ് എടുത്തു.
ബ്ലോക്ക് പഞ്ചായത്ത് ഹാളില് ചേര്ന്ന പരിപാടിയില് ജില്ലാ പഞ്ചായത്ത് മെമ്പര് നജ്മ വാണിമേല്, ബ്ലോക്ക് പഞ്ചായത്ത് വൈസ് പ്രസിഡന്റ് മുഹമ്മദ് കക്കട്ടില് തുടങ്ങിയവര് പങ്കെടുത്തു.
date
- Log in to post comments