കുറഞ്ഞ വിലയില്‍ അലങ്കാര മത്സ്യങ്ങള്‍ വാങ്ങാം

ആലപ്പുഴ: അലങ്കാര മത്സ്യങ്ങളും അക്വേറിയം സാമഗ്രികളും കുറഞ്ഞ വിലയില്‍ വാങ്ങാന്‍ എന്‍റെ കേരളം പ്രദര്‍ശന-വിപണന മേളയില്‍ അവസരം. 

മാർക്കറ്റിൽ ലഭ്യമാവുന്നതിനേക്കാൾ കുറഞ്ഞ വിലയ്ക്കാണ് അലങ്കാര മൽസ്യങ്ങളുടെ വില്പന. അക്വേറിയങ്ങളിൽ ആവശ്യമായ ചെടികളും, മീനുകൾക്കുള്ള തീറ്റ, മരുന്നുകൾ തുടങ്ങിയവയും വില്പനയ്ക്കുണ്ട്. 

അലങ്കാര മത്സ്യങ്ങൾക്ക് പുറമെ  വളർത്തു മത്സ്യങ്ങളായ വരാൽ, ആറ്റുവാള, കരിമീൻ, ഗിഫ്റ് തിലാപ്പിയ, കളർ തിലപ്പിയ തുടങ്ങിയവയും പ്രദർശനത്തിനായി ഒരുക്കിയിട്ടുണ്ട്.