പൊതുതെളിവെടുപ്പ് ജൂൺ 3ന്

കേരള സംസ്ഥാന വൈദ്യുതി റഗുലേറ്ററി കമ്മീഷൻ മുൻപാകെ കെ.എസ്.ഇ.ബി സമർപ്പിച്ച അപേക്ഷയിലെ പൊതുതെളിവെടുപ്പ് ജൂൺ 3ന് രാവിലെ 11ന് വീഡിയോ കോൺഫറൻസ് മുഖേന വൈദ്യുതി റഗുലേറ്ററി കമ്മീഷൻ നടത്തും. പൊതുതെളിവെടുപ്പിൽ പങ്കെടുക്കാൻ താല്പര്യമുള്ളവർ 2ന് ഉച്ചയ്ക്ക് 12 മണിക്കു മുൻപ് കത്തു മുഖേനയോ ഇ-മെയിൽ (kserc@erckerala.org) മുഖേനയോ പേരും വിശദവിവരങ്ങളും ഫോൺ നമ്പർ, ഇ-മെയിൽ സഹിതം കമ്മീഷൻ സെക്രട്ടറിയെ kserc@erckerala.org എന്ന ഇ-മെയിലിൽ അറിയിക്കണം. തപാൽ മുഖേനയും പൊതുജനങ്ങൾക്ക് പെറ്റീഷൻമേൽ അഭിപ്രായങ്ങൾ രേഖപ്പെടുത്താം. തപാലിൽ അഭിപ്രായങ്ങൾ അയയ്ക്കുന്നവർ സെക്രട്ടറി, കേരള സംസ്ഥാന വൈദ്യുതി റഗുലേറ്ററി കമ്മീഷൻ, കെ.പി.എഫ്.സി ഭവനം, സി.വി. രാമൻപിള്ള റോഡ്, വെള്ളയമ്പലം, തിരുവനന്തപുരം- 695010 എന്ന വിലാസത്തിൽ 3ന് വൈകിട്ട് 5നകം കിട്ടത്തക്കവിധം അയയ്ക്കണം. പെറ്റീഷൻ www.erckerala.org യിൽ നൽകിയിട്ടുണ്ട്.
പി.എൻ.എക്സ്. 2199/2022