ഫിഷറീസ്, അക്വാകൾച്ചർ; സൗജന്യ സംരംഭ പരിശീലനം

കോട്ടയം: ഫിഷറീസ്, അക്വാകൾച്ചർ എന്നിവയിൽ സംരംഭം തുടങ്ങാൻ ആഗ്രഹിക്കുന്ന എസ്.സി. വിഭാഗം തൊഴിൽരഹിതരായ 50 യുവജനങ്ങൾക്കായി സൗജന്യ സംരംഭ പരിശീലനം നൽകുന്നു.
ജൂൺ 15 മുതൽ ജൂലൈ ഒന്നു വരെയും ജൂലൈ നാലു മുതൽ 21 വരെയും കളമശേരി കീഡ് ക്യാമ്പസിൽ രണ്ട് ബാച്ചുകളിലായി സ്‌റ്റൈപന്റോടു കൂടിയാണ് പരിശീലനം.  
വ്യവസായ വാണിജ്യ വകുപ്പിന്റെ സംരംഭകത്വ വികസന ഇൻസ്റ്റിറ്റ്യൂട്ടായ കേരള ഇൻസ്റ്റിറ്റ്യൂട്ട് ഫോർ എന്റർപ്രണർഷിപ്പ് ഡവലപ്‌മെന്റ്, നാഷണൽ ഫിഷറീസ് ഡെവലപ്‌മെന്റ് ബോർഡ്, നാഷണൽ ഇൻസ്റ്റിറ്റ്യൂട്ട് ഓഫ് മൈക്രോ സ്‌മോൾ മീഡിയം എന്റർപ്രൈസസ് എന്നിവയുടെ ആഭിമുഖ്യത്തിലാണ് 15 പരിശീലനം.

ഫിഷറീസ്, അക്വാകൾച്ചർ എന്നിവയിൽ സംരംഭകത്വ അവസരങ്ങൾ, മത്സ്യത്തിന്റെ മൂല്യ വർധിത ഉത്പന്നങ്ങൾ, അലങ്കാര മത്സ്യബന്ധനം, മാർക്കറ്റ് സർവേ, പ്രോജക്റ്റ് റിപ്പോർട്ട് തയാറാക്കൽ എന്നിവയിൽ പരിശീലനം നൽകും. ഫിഷറീസ് വകുപ്പിന്റെയും വ്യവസായ-വാണിജ്യ വകുപ്പിന്റെയും നാഷണൽ ഫിഷറീസ് ഡെവലപ്‌മെന്റ് ബോർഡിന്റെയും പദ്ധതികളെക്കുറിച്ച് അവബോധം നൽകും. ഫിഷറീസ്, അക്വാകൾച്ചർ മേഖലയിൽ ഹൈബ്രിഡ്, സോളാർ, വിൻഡ് എനർജി അപ്ലിക്കേഷനുകൾ, മേഖലയിലെ സംരംഭകരുടെ അനുഭവം പങ്കിടൽ എന്നിവയും  ഉൾപ്പെടുന്നു.

താല്പര്യമുള്ളവർക്ക് www.kied.info എന്ന വെബ് സൈറ്റ് സന്ദർശിച്ച് ജൂൺ ഒമ്പതിനകം അപേക്ഷ നൽകാം. വിശദവിവരങ്ങൾക്ക് ഫോൺ: 0484 - 2532890 / 2550322, 9605542061, 7012376994.

(കെ.ഐ.ഒ.പി.ആർ 1324/2022)