അമ്പലപ്പുഴ ബ്ലോക്ക്തല കേരളോത്സവം

ആലപ്പുഴ: അമ്പലപ്പുഴ ബ്ലോക്ക്തല കേരളോത്സവം നവംബര്‍ 26, 27 തീയതികളില്‍ വിവിധ വേദികളിലായി നടക്കും. 26-ന് രാവിലെ 9.30-ന് വണ്ടാനം ഗവണ്‍മെന്റ് ടി.ഡി.എം.സി. ഗ്രൗണ്ടില്‍ ഉദ്ഘാടനവും അതോടനുബന്ധിച്ച് ഫുട്‌ബോള്‍ മത്സരങ്ങളും നടക്കും. ലോട്ടസ് ഗ്രൗണ്ടില്‍ കബഡി മത്സരവും മാത്തേരി എന്‍.എ.സി ഗ്രൗണ്ടില്‍ വോളിബോള്‍ മത്സരവും നടക്കും. 

27-ന് രാവിലെ 9.30-ന് വണ്ടാനം ഗവണ്‍മെന്റ് ടി.ഡി.എം.സി.യില്‍ ട്വന്റി ട്വന്റി ക്രിക്കറ്റ് മത്സരവും പുന്നപ്ര വടക്ക് ഗ്രാമപഞ്ചായത്ത് കമ്യൂണിറ്റി ഹാളില്‍ കലാമത്സരവും നടത്തും. വൈകുന്നേരം നാലിന്് മാതൃഭൂമി ഓഫീസിന് മുന്നില്‍ നിന്നും കേരളോത്സവ റാലി നടത്തും. സമാപന സമ്മേളനം എച്ച്. സലാം എം.എല്‍.എ. ഉദ്ഘാടനം ചെയ്യും.