വി.എച്ച്.എസ്.ഇ തൊഴില്മേള 10 ന്
വി.എച്ച്.എസ്.ഇ പൂര്ത്തിയാക്കിയ വിദ്യാര്ത്ഥികള്ക്കായി വി.എച്ച്.എസ്.ഇ വിഭാഗം കരിയര് ഗൈഡന്സ് ആന്ഡ് കൗണ്സലിങ് സെല്ലിന്റേയും ജില്ലാ എംപ്ലോയ്മെന്റ് എക്സ്ചേഞ്ചിന്റേയും ആഭിമുഖ്യത്തില് നടത്തുന്ന തൊഴില് മേള ഡിസംബര് 10 ശനിയാഴ്ച പെരിന്തല്മണ്ണ ഗവ. വൊക്കേഷണല് ഹയര് സെക്കന്ഡറി സ്ക്കൂളില് നടക്കും. നജീബ് കാന്തപുരം എം.എല്.എ ഉദ്ഘാടനം ചെയ്യും. വി.എച്ച്.എസ്.ഇ കുറ്റിപ്പുറം മേഖല അസിസ്റ്റന്റ് ഡയറക്ടര് എം ഉബൈദുള്ള അധ്യക്ഷത വഹിക്കും. പെരിന്തല്മണ്ണ നഗരസഭാ ചെയര്മാന് പി. ഷാജി ചടങ്ങില് മുഖ്യാതിഥിയായിരിക്കും. വിവിധ തൊഴില് മേഖലകളിലെ സ്ഥാപനങ്ങള് മേളയില് പങ്കെടുക്കും. താല്പര്യമുള്ള ഉദ്യോഗാര്ഥികള്ക്ക് തൊട്ടടുത്ത വി.എച്ച്.എസ്.ഇ സ്കൂളുമായി ബന്ധപ്പെട്ട് പേര് രജിസ്റ്റര് ചെയ്യാം. മേളയോടനുബന്ധിച്ച് ഡിസംബര് 10 ന് രാവിലെ 9. 30 മുതല് സ്പോട്ട് രജിസ്ട്രേഷനും ഉണ്ടാകും. കൂടുതല് വിവരങ്ങള് 6283169386 എന്ന നമ്പറില് ലഭിക്കും.
- Log in to post comments