ദേശീയ ഉപഭോക്തൃ വാരാചരണം: വിദ്യാര്ത്ഥികള്ക്കായി ജില്ലാതല മത്സരങ്ങള്
ദേശീയ ഉപഭോക്തൃ വാരാചരണത്തിന്റെ ഭാഗമായി ജില്ലയിലെ ഹൈസ്ക്കൂള്, ഹയര് സെക്കണ്ടറി വിദ്യാര്ത്ഥികള്ക്കായി പൊതുവിതരണ വകുപ്പ് ഉപന്യാസ രചന, പ്രസംഗം, ക്വിസ് മത്സരങ്ങള് സംഘടിപ്പിക്കുന്നു. ഡിസംബര് 18 ന് രാവിലെ 9 മുതല് കോഴിക്കോട് സിവില് സ്റ്റേഷന് യു പി സ്ക്കൂളിലാണ് മത്സരം. ഉപഭോക്തൃ സംരക്ഷണ നിയമം, ഉപഭോക്താവിന്റെ അവകാശങ്ങള്, കടമകള്, ഹരിത ഉപഭോഗം ഫെയര് ഡിജിറ്റല് ഫിനാന്സ് എന്നീ വിഷയങ്ങളിലധിഷ്ഠിതമായാണ് മത്സരം.
ഉപന്യാസം, പ്രസംഗം എന്നിവയുടെ മത്സര വിഷയങ്ങള് മത്സരത്തിന് 10 മിനുട്ട് മുമ്പ് നല്കും. ഒരാള്ക്ക് ഏതെങ്കിലും രണ്ടിനങ്ങളില് പങ്കെടുക്കാം. പങ്കെടുക്കുന്നവര് 0495 2370655 എന്ന നമ്പറില് ഡിസംബര് 17 വൈകുന്നേരം 5 മണിക്ക് മുമ്പായി പേര് രജിസ്റ്റര് ചെയ്യണം. രജിസ്റ്റര് ചെയ്തവര് 18 ന് രാവിലെ 9 മണിക്ക് സ്കൂള് അധികൃതരുടെ സാക്ഷ്യപത്രം സഹിതം മത്സര കേന്ദ്രത്തിലെത്തണമെന്ന് ജില്ലാ സപ്ലെ ഓഫീസര് അറിയിച്ചു.
- Log in to post comments