ചലച്ചിത്രമേള; വിളംബര ജാഥ ഇന്ന്

കോട്ടയം: കോട്ടയം രാജ്യാന്തര ചലച്ചിത്രമേളയ്ക്ക് മുന്നോടിയായി ഇന്ന് വൈകിട്ട് 4.30 ന് കളക്ടറേറ്റിൽ നിന്ന് തിരുനക്കര പഴയപൊലീസ് മൈതാനത്തേക്ക് വിളംബര ജാഥ നടക്കും. ചലച്ചിത്ര കലാകാരന്മാർ, സാംസ്‌കാരിക- കലാ പ്രവർത്തകർ, വിദ്യാർഥികൾ, പൊതുജനങ്ങൾ, വിവിധ സംഘടനകൾ എന്നിവർ പങ്കെടുക്കും. കലാരൂപങ്ങൾ, കലാ-കായിക പ്രകടനങ്ങൾ, വാദ്യമേളങ്ങൾ എന്നിവ വിളംബര ജാഥയ്ക്കു മിഴിവേകും. കേരള ചലച്ചിത്ര അക്കാദമി കോട്ടയം ഫിലിം സൊസൈറ്റിയുടേയും ഇൻഫർമേഷൻ ആൻഡ് പബ്ലിക് റിലേഷൻസ് വകുപ്പിന്റെയും വിവിധ കോളജുകളുടേയും ജില്ലാ സ്‌പോർട്‌സ് കൗൺസിലിന്റെയും വിവിധ സംഘടനകളുടേയും നേതൃത്വത്തിലാണ് വിളംബര ജാഥ സംഘടിപ്പിക്കുന്നത്.