സ്വത്ത് വകകള്‍ കണ്ടുകെട്ടും : ആക്ഷേപമുള്ളവര്‍ക്ക് അറിയിക്കാം

ഒറ്റപ്പാലം താലൂക്കിലെ നെല്ലായ വില്ലേജില്‍ പട്ടിശ്ശേരി കോളനി, കുന്നത്തൊടി വീട്ടില്‍ കേശവന്റെ ബി.ടി.ആര്‍ സര്‍വ്വെ നമ്പര്‍ 9/5 ലെ 01.42 ആര്‍ (3.50) സെന്റ് സ്ഥലം 1964-ലെ കേരള അന്യം നിന്നതും നഷ്ടപ്പെട്ടതുമായ വസ്തുക്കള്‍ സംബന്ധിച്ച ആക്ട് പ്രകാരം സര്‍ക്കാരിലേക്ക് കണ്ടുകെട്ടുമെന്ന് ജില്ലാ കലക്ടര്‍ അറിയിച്ചു. കേശവന്റെ ഭാര്യയും മക്കളും മരണപ്പെടുകയും സഹോദരങ്ങളോ അടുത്ത ബന്ധുക്കളോ മറ്റ് നിയമാനുസൃത അവകാശികളോ ഇല്ലാത്തതിനാല്‍ വീട് സ്ഥിതി ചെയ്യുന്ന സ്ഥലത്തിന് നിലവില്‍ അവകാശികള്‍ ഇല്ലെന്നും ഒറ്റപ്പാലം തഹസില്‍ദാര്‍ പ്രാഥമിക അന്വേഷണ റിപ്പോര്‍ട്ട് നല്‍കിയിട്ടുണ്ട്. സ്വത്തുവകകള്‍ സര്‍ക്കാറിലേക്ക് കണ്ടുകെട്ടുന്നതില്‍ ആക്ഷേപമോ അവകാശവാദമോ ഉണ്ടെങ്കില്‍ ആറുമാസത്തിനകം ജില്ലാ കലക്ടര്‍ മുമ്പാകെ നേരിട്ട് എത്തി ആക്ഷേപം ബോധിപ്പിക്കണമെന്നും അവധി കഴിഞ്ഞ് തപാല്‍ മാര്‍ഗ്ഗമുള്ള ആക്ഷേപം സ്വീകരിക്കില്ലെന്നും ജില്ലാ കലക്ടര്‍ അറിയിച്ചു.