ബയോമെട്രിക് മസ്റ്ററിംഗ് നടത്തണം
സംസ്ഥാന ഭാഗ്യക്കുറി ഏജന്റ്മാരുടെയും വില്പനക്കാരുടെയും ക്ഷേമനിധി ബോര്ഡിലെ 2022 ഡിസംബര് 31 വരെ പെന്ഷന് അനുവദിക്കപ്പെട്ട ക്ഷേമനിധി അംഗങ്ങള് 2023 ഏപ്രില് ഒന്ന് മുതല് ജൂണ് 30 വരെയുള്ള കാലയളവിനുള്ളില് അക്ഷയകേന്ദ്രങ്ങള് വഴി ബയോമെട്രിക് മസ്റ്ററിംഗ് നടത്തണം. 2024 മുതല് എല്ലാ വര്ഷവും ജനുവരി ഒന്ന് മുതല് ഫെബ്രുവരി 28/29നകം തൊട്ടുമുന്പുള്ള വര്ഷം ഡിസംബര് 31വരെ പെന്ഷന് അനുവദിക്കപ്പെട്ട ക്ഷേമനിധി അംഗങ്ങള് അക്ഷയകേന്ദ്രങ്ങള് വഴി ബയോമെട്രിക് മസ്റ്ററിംഗ് നടത്തണം. ശാരീരിക/മാനസിക വെല്ലുവിളി നേരിടുന്നവര്, കിടപ്പുരോഗികള്, വൃദ്ധജനങ്ങള് എന്നിങ്ങനെ അക്ഷയ കേന്ദ്രങ്ങളില് എത്തിച്ചേരാന് കഴിയാത്തവര് വിവരം അക്ഷയ കേന്ദ്രങ്ങളില് അറിയിക്കേണ്ടതും അതിനനുസരിച്ച് അക്ഷയ കേന്ദ്രം പ്രതിനിധി ഗുണഭോക്താക്കളുടെ വീട്ടിലെത്തി മസ്റ്ററിംഗ് നടത്തും. പെന്ഷന് അനുവദിക്കപ്പെട്ട ക്ഷേമനിധി ബോര്ഡ് അംഗങ്ങള് ബയോമെട്രിക് മസ്റ്ററിംഗ് പരാജയപ്പെടുന്നവര് ബന്ധപ്പെട്ട പ്രാദേശിക സര്ക്കാരുകളില് ക്ഷേമനിധി ബോര്ഡുകളില് ലൈഫ് സര്ട്ടിഫിക്കറ്റ് നല്കി മസ്റ്ററിംഗ് പൂര്ത്തിയാക്കണം. നിശ്ചിത സമയപരിധിക്കുള്ളില് മസ്റ്ററിംഗ് പൂര്ത്തിയാക്കിയവര്ക്ക് മാത്രമേ മസ്റ്ററിംഗിനുള്ള നിശ്ചിത കാലാവധിക്ക് ശേഷം പെന്ഷന് വിതരണം നടത്തുകയുള്ളൂ. നിശ്ചിത സമയപരിധിക്കുള്ളില് മസ്റ്ററിംഗ് പൂര്ത്തീകരിക്കാത്തവര്ക്ക് തുടര്ന്ന് എല്ലാ മാസവും ഒന്ന് മുതല് 20 വരെ മസ്റ്ററിംഗ് നടത്താം. എന്നാല് മസ്റ്ററിംഗ് നടത്തുന്ന മാസം മുതലുള്ള പെന്ഷന് മാത്രമേ ലഭിക്കുകയുള്ളൂ. മസ്റ്ററിംഗ് ചെയ്യാത്ത കാലയളവിലെ പെന്ഷന് അര്ഹത ഉണ്ടായിരിക്കില്ലെന്നും കാസര്കോട് ജില്ലാ ഭാഗ്യക്കുറി ക്ഷേമനിധി ഓഫീസര് അറിയിച്ചു.
- Log in to post comments