Post Category
തൈകൾ വിതരണം ചെയ്തു
മേപ്പയൂർ ഗ്രാമപഞ്ചായത്ത് കൃഷിഭവന്റെ നേതൃത്വത്തിൽ കൃഷിയിടാധിഷ്ഠിത ആസൂത്രണ പദ്ധതിയിൽ ഉൾപ്പെട്ട ഒമ്പത് നോൺ ഐ.എഫ്.എസ് കർഷകർക്ക് പഴവർഗ്ഗ തൈകളും ഇടവിള കിറ്റുകളും വിള സംരക്ഷണ ഉപാധികളും വിതരണം ചെയ്തു. വിതരണോദ്ഘാടനം പഞ്ചായത്ത് പ്രസിഡന്റ് കെ.ടി രാജൻ കർഷകനായ നാരായണൻ കാളിന്ദിയ്ക്ക് നൽകി നിർവഹിച്ചു.
ചടങ്ങിൽ കൃഷി ഓഫീസർ ടി.എൻ അശ്വിനി അധ്യക്ഷത വഹിച്ചു. വി.കുഞ്ഞിരാമൻ കിടാവ്, മൊയ്തീൻ കമ്മന എന്നിവർ സംസാരിച്ചു. തുടർന്ന് പദ്ധതിയിൽ ഉൾപ്പെട്ട കർഷകർക്ക് കിറ്റുകൾ വിതരണം ചെയ്തു. കൃഷി അസിസ്റ്റന്റുമാരായ എസ്.സുഷേണൻ സ്വാഗതവും സി.എസ് സ്നേഹ നന്ദിയും പറഞ്ഞു.
date
- Log in to post comments