അപേക്ഷ ക്ഷണിച്ചു

കേരള സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍, കുടുംബശ്രീ മിഷനുമായി ചേര്‍ന്ന് നടപ്പിലാക്കുന്ന സ്വയംതൊഴില്‍ വായ്പാ പദ്ധതിക്ക് കീഴില്‍ (വനിതാ ശാക്തീകരണ പദ്ധതി) വായ്പ അനുവദിക്കുന്നതിനായി ജില്ലയിലെ പട്ടികജാതി വിഭാഗത്തില്‍പ്പെട്ട കുടുംബശ്രീ അംഗങ്ങളില്‍ നിന്നും അപേക്ഷ ക്ഷണിച്ചു. സംഘത്തില്‍ ചുരുങ്ങിയത് 5 പേരെങ്കിലും ഉണ്ടായിരിക്കണം. പരമാവധി വായ്പാ തുക 500000/ രൂപ.  വായ്പക്ക് പ്രത്യേക ജാമ്യം ആവശ്യമില്ല. അപേക്ഷകര്‍ 18നും 55നും മദ്ധ്യേ പ്രായമുള്ളവരും വാര്‍ഷിക വരുമാനം 300000/ രൂപയില്‍ കവിയാത്തവരും ആയിരിക്കണം. 3 വര്‍ഷം തിരിച്ചടവ് കാലാവധിയുള്ള വായ്പകള്‍ക്ക് 5% ആണ് പലിശ നിരക്ക്. 
താല്പര്യമുള്ളവര്‍ വിശദവിവരങ്ങള്‍ക്കും അപേക്ഷാഫോറത്തിനുമായി എരഞ്ഞിപ്പാലത്ത് (ജില്ലാ സഹകരണ ആശുപത്രിക്ക് സമീപം) പ്രവര്‍ത്തിക്കുന്ന ജില്ലാ ഓഫീസുമായി ബന്ധപ്പെടണം. കൂടുതൽ വിവരങ്ങൾക്ക് : 0495  2767606, 9400068511