ധനസഹായത്തിന് അപേക്ഷ ക്ഷണിച്ചു

കോട്ടയം: എസ്.എസ്.എൽ.സി, പ്ലസ് ടു, വി.എച്ച്.എസ്.ഇ, ഡിപ്ലോമ, ടി.ടി.സി, പോളിടെക്നിക്, ബിരുദ -ബിരുദാനന്തര കോഴ്‌സ്, പ്രൊഫഷണൽ ബിരുദം, പ്രൊഫഷണൽ ബിരുദാനന്തര ബിരുദം/അതിനു മുകളിലുള്ള കോഴ്‌സുകൾ എന്നിവയുടെ ഫൈനൽ പരീക്ഷകളിൽ ഈ വർഷം പഠിച്ച ഒന്നാം ക്ലാസും ഡിസ്റ്റിംഗ്ഷനും അതിനു മുകളിലും നേടി വിജയിച്ച പട്ടികജാതി വിഭാഗത്തിൽപ്പെട്ട വിദ്യാർത്ഥികളിൽ നിന്നും പ്രത്യേക പ്രോത്സാഹന സമ്മാന ധനസഹായത്തിനായി പട്ടികജാതി വികസന ഓഫീസർ അപേക്ഷ ക്ഷണിച്ചു. വിദ്യാർഥികൾ ഇ -ഗ്രാന്റ്‌സ് പോർട്ടൽ പ്രൊഫൈൽ മുഖേന അപേക്ഷിക്കണം. 2022-2023 വർഷം സംസ്ഥാനത്തിനകത്തു പഠിച്ചു പാസായവർക്കാണ് സ്‌കോളർഷിപ്. അവസാനതീയതി ഓഗസ്റ്റ് 15. വിശദവിവരങ്ങൾക്ക് ഫോൺ :0481-2562503