ന്യൂമീഡിയ & ഡിജിറ്റല് ജേണലിസം ഡിപ്ളോമ ജൂണ് 25 വരെ അപേക്ഷിക്കാം
കേരള മീഡിയ അക്കാദമിയുടെ ന്യൂമീഡിയ & ഡിജിറ്റല് ജേര്ണലിസം ഡിപ്ളോമ കോഴ്സിലേക്ക് അപേക്ഷ ക്ഷണിച്ചു.
6 മാസമാണ് കോഴ്സിന്റെ കാലാവധി. കൊച്ചി വൈകീട്ട് 6 മുതല് 8 വരെയാണ് ക്ളാസ് സമയം. ഒരേ സമയം ഓണ്ലൈനിലും ഓഫ്ലൈനിലും ക്ളാസ് ലഭ്യമാണ്. തിരുവനന്തപുരത്ത് രാവിലെ 10.30 മുതല് 12 വരെയാണ് ക്ളാസ് സമയം. സര്ക്കാര് അംഗീകാരമുള്ള കോഴ്സിന് 35,000 രൂപയാണ് ഫീസ്. ഡിഗ്രിയാണ് വിദ്യാഭ്യാസയോഗ്യത. പ്രായപരിധി ഇല്ല.
മൊബൈല് ജേണലിസം, വെബ് ജേണലിസം, ഓണ്ലൈന് റൈറ്റിംഗ് ടെക്നിക്ക്സ്, ഫോട്ടോഗ്രഫി, വീഡിയോഗ്രഫി, വീഡിയോ എഡിററിംഗ് തുടങ്ങിയവയില് പ്രായോഗിക പരിശീലനം നല്കും. അനുദിനം മാറുന്ന നവീന സാങ്കേതികവിദ്യകള് സ്വായത്തമാക്കുന്നതിലൂടെ ഓണ്ലൈന് മാധ്യമമേഖലയുടെ അനന്തസാധ്യതകള് ഉപയോഗപ്പെടുത്താന് കോഴ്സ് ഉപകരിക്കും. സര്വീസില് നിന്നു വിരമിച്ചവര്ക്കും മറ്റു ജോലികളിലുള്ളവര്ക്കും അപേക്ഷിക്കാം ജോലിചെയ്യുന്നവര്ക്ക് ഡിജിറ്റല് മാര്ക്കറ്റിംഗ്, പബ്ലിക് റിലേഷന്സ് ചുമതലകള് ഏറ്റെടുക്കാന് സഹായിക്കുന്നതാണു കോഴ്സ്.
അപേക്ഷകള് ഓണ്ലൈനായി www.keralamediaacademy.org എന്ന വെബ്സൈറ്റിലൂടെ സമര്പ്പിക്കാം. സര്ട്ടിഫിക്കറ്റുകളുടെ പകര്പ്പും അപേക്ഷയോടൊപ്പം അപ്ലോഡ് ചെയ്യണം. കൂടുതല് വിവരങ്ങള്ക്ക് ഫോണ്: 9388959192 (കോഴ്സ് കോ-ഓര്ഡിനേറ്റര്, കൊച്ചി ) , 9447225524 (കോഴ്സ് കോ-ഓര്ഡിനേറ്റര്, തിരുവനന്തപുരം ) അവസാന തിയതി 2023 ജൂണ് 25.
- Log in to post comments