യുവ ഉത്സവം 2023 : ബെന്നി ബഹനാൻ എംപി ഉദ്ഘാടനം ചെയ്തു

ആസാദി കാ അമൃത് മഹോത്സവത്തിന്റെ ഭാഗമായി കേന്ദ്ര യുവജനകാര്യ കായിക മന്ത്രാലയവും എറണാകുളം നെഹ്റു യുവ കേന്ദ്രയും ചേർന്ന് സംഘടിപ്പിച്ച യുവ ഉത്സവം 2023 ബെന്നി ബഹനാൻ എംപി ഉദ്ഘാടനം ചെയ്തു. 

പഞ്ച് പ്രൺ ഇന്ത്യ @ 2047 വികസിത രാജ്യം ലക്ഷ്യം എന്ന വിഷയത്തെ അധിഷ്ഠിതമാക്കി പ്രസംഗം, മൊബൈൽ ഫോട്ടോഗ്രാഫി, കവിത രചന, പെയിൻ്റിങ്, നാടോടി നൃത്തം തുടങ്ങിയ വിവിധ ഇനങ്ങളിലായി സംഘടിപ്പിച്ച മത്സരങ്ങളിൽ 200 വിദ്യാർത്ഥികൾ പങ്കെടുത്തു. നാടൻ പാട്ട്, കളരിപ്പയറ്റ് എന്നിവയും വിവിധ വകുപ്പുകളുടെ പ്രദർശനവും പരിപാടിയോടനുബന്ധിച്ച് ഒരുക്കിയിരുന്നു. 

വിവിധ മത്സരങ്ങളിൽ വിജയികളായവർക്കുള്ള സമ്മാനദാനം എൽദോസ് കുന്നപ്പിള്ളി എംഎൽഎ നിർവഹിച്ചു.
കാലടി പഞ്ചായത്ത് പ്രസിഡൻ്റ് എം പി ആൻ്റണി, പ്രിൻസിപ്പൽ ഡോ. പ്രീതി നായർ, നെഹ്റു യുവ കേന്ദ്ര ജില്ലാ യൂത്ത് ഓഫീസർ വിവേക് ശശീധൻ, എക്സൈസ് ഓഫീസർ വി ജയരാജ് എന്നിവർ സംസാരിച്ചു.