പട്ടികജാതി പട്ടികഗോത്ര വര്ഗ്ഗ കമ്മീഷന് പരാതി പരിഹാര അദാലത്ത്
സംസ്ഥാന പട്ടികജാതി, പട്ടികഗോത്ര വര്ഗ്ഗ കമ്മീഷന് നിലവിലുള്ള പരാതികളില് തീര്പ്പ് കല്പ്പിക്കുന്നതിനായി എറണാകുളം ജില്ലയില് ജൂലൈ 19, 20 തീയതികളില് പരാതി പരിഹാര അദാലത്ത് നടത്തും. കാക്കനാട് സിവില് സ്റ്റേഷന് ജില്ലാ പ്ലാനിംഗ് ഹാളില് രാവിലെ 10.30 മുതല് വൈകുന്നേരം 5 വരെ നടത്തുന്ന അദാലത്തിന് കമ്മീഷന് ചെയര്മാന് എസ്. മാവോജി, മെമ്പര്മാരായ എസ്. അജയകുമാര്, അഡ്വ. സൗമ്യ സോമന് എന്നിവര് നേതൃത്വം നല്കും.
പട്ടികജാതി പട്ടികഗോത്രവര്ഗ്ഗക്കാരുടെ വിവിധ വിഷയങ്ങളില് കമ്മീഷന് മുമ്പാകെ സമര്പ്പിച്ചിട്ടുള്ളതും വിചാരണയില് ഇരിക്കുന്നതുമായ കേസുകളില്, പരാതിക്കാരെയും പരാതി എതിര് കക്ഷികളെയും, ബന്ധപ്പെട്ട ഉദ്യോഗസ്ഥരെയും നേരില് കേട്ട് പരാതികള് തീര്പ്പാക്കും. അതോടൊപ്പം പുതിയ പരാതികള് സ്വീകരിക്കുന്നതിനും സൗകര്യം ഉണ്ടായിരിക്കും.
പരാതി പരിഹാര അദാലത്തില് ബന്ധപ്പെട്ട പോലീസ് ഓഫീസര്മാര്, റവന്യു വകുപ്പ്, വനം വകുപ്പ്, വിദ്യാഭ്യാസ വകുപ്പ്, പഞ്ചായത്ത് വകുപ്പ്, ആരോഗ്യ വകുപ്പ്, സഹകരണവകുപ്പ്, പട്ടികജാതി/പട്ടികവര്ഗ്ഗ വികസന വകുപ്പ് തുടങ്ങി വിവിധ വകുപ്പുകളിലെ ഉദ്യോഗസ്ഥര് സംബന്ധിക്കും.
- Log in to post comments