വനിതാ കമ്മീഷന്‍ അദാലത്ത്: നാല് പരാതികള്‍ തീര്‍പ്പാക്കി

വനിതാ കമ്മീഷന്‍ അദാലത്തില്‍ നാല് പരാതികള്‍ തീര്‍പ്പാക്കി. ജില്ലാ പഞ്ചായത്ത് മിനി കോണ്‍ഫറന്‍സ് ഹാളില്‍ വനിതാ കമ്മീഷന്‍ അംഗം അഡ്വ. പി കുഞ്ഞായിഷയുടെ അധ്യക്ഷതയില്‍ നടന്ന അദാലത്തില്‍ ആക 68 പരാതികളാണ് പരിഗണിച്ചത്. ഇതില്‍ 2 എണ്ണത്തില്‍ ജാഗ്രതസമിതിയോട് വിശദമായ റിപ്പോര്‍ട്ട് തേടി. ബാക്കി 62 എണ്ണം അടുത്ത സിറ്റിംഗില്‍ പരിഗണിക്കും. അദാലത്തില്‍ പാനല്‍ അഭിഭാഷകരായ പത്മജ പത്മനാഭന്‍, കെ എം പ്രമീള, ചിത്തിര ശശിധരന്‍, കൗണ്‍സിലര്‍ പി മാനസ ബാബു, സിപിഒ നിഷ മധുമ്മല്‍ എന്നിവര്‍ പങ്കെടുത്തു.