വനിത കമ്മിഷൻ സിറ്റിങ്: 15 പരാതികള്‍ തീര്‍പ്പാക്കി

കേരള വനിത കമ്മിഷൻ എറണാകുളം ജില്ലയിൽ നടത്തിയ സിറ്റിങ്ങിൽ രണ്ടാം ദിനം 15 പരാതികൾ തീർപ്പാക്കി. അഞ്ചു പരാതികൾ പോലീസ് റിപ്പോർട്ടിനായി അയച്ചു. ഒരു പരാതിയിൽ പരാതിക്കാർക്ക് കൗൺസലിങ് നൽകാ ൻ തീരുമാനിച്ചു. ശേഷിക്കുന്ന പരാതികൾ അടുത്ത അദാലത്തിന് പരിഗണിക്കും. 

56 പരാതികളാണ് രണ്ടാം ദിനം പരിഗണിച്ചത്. ആദ്യ ദിനം 57 പരാതികൾ പരിഗണിച്ചിരുന്നു കുടുംബ പ്രശ്നങ്ങൾ, സ്ത്രീകൾ നേരിടുന്ന മറ്റ്‌ പ്രശ്നങ്ങൾ, ഗാർഹിക പീഡനം തുടങ്ങിയ വിഷയങ്ങളിലുള്ള പരാതികളാണ് ലഭിച്ചത്.

ജില്ലാ പഞ്ചായത്ത് പ്രിയദർശിനി ഹാളിൽ നടന്ന സിറ്റിങ്ങിൽ വനിത കമ്മിഷൻ അംഗങ്ങളായ അഡ്വ. ഇന്ദിര രവീന്ദ്രൻ, അഡ്വ. എലിസബത്ത് മാമ്മൻ മത്തായി, ഡയറക്ടർ ഷാജി സുഗുണൻ, പാനൽ അഡ്വക്കറ്റുമാരായ അഡ്വ. കെ.ബി രാജേഷ്, അഡ്വ. പി.യമുന, കൗൺസലർ ബി.സന്ധ്യ എന്നിവർ പങ്കെടുത്തു.