അറിയിപ്പുകൾ

സൈക്കോളജി അപ്രന്റീസ് ഒഴിവ് 

കാസർകോട് എളേരിത്തട്ട്‌ ഇ.കെ നായനാര്‍ മെമ്മോറിയൽ ഗവ.കോളേജില്‍ സൈക്കോളജി അപ്രന്റീസിന്റെ താല്‍ക്കാലിക ഒഴിവിലേക്ക് നിയമനം നടത്തുന്നു. സൈക്കോളജിയില്‍ ബിരുദാനന്തര ബിരുദമാണ്‌ അടിസ്ഥാന യോഗ്യത. താല്‍പ്പര്യമുള്ളവര്‍ അപേക്ഷ, ബയോഡാറ്റ, സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍ എന്നിവ സഹിതം ആഗസ്റ്റ് രണ്ടിന് രാവിലെ 11 മണിക്ക്‌ അഭിമുഖത്തിന്‌ ഹാജരാകണം. കൂടുതല്‍ വിവരങ്ങള്‍ക്ക്‌ : 0467 -2241345, 9847434858 

ഇന്റര്‍വ്യൂ

തലശ്ശേരി ഗവ.ബ്രണ്ണന്‍ കോളേജ്‌ ഓഫ്‌ ടീച്ചര്‍ എഡ്യൂക്കേഷനില്‍ ഇംഗ്ലീഷ്‌ വിഷയത്തില്‍ ഒരു അതിഥി അധ്യാപകനെ നിയമിക്കുന്നു. കോളേജ്‌ വിദ്യാഭ്യാസ വകുപ്പ്‌ ഡപ്യൂട്ടി ഡയറക്ടറേറ്റ്‌ മുഖാന്തിരം രജിസ്റ്റര്‍ ചെയ്ത ഉദ്യോഗാര്‍ത്ഥികൾക്ക്‌ അപേക്ഷിക്കാം. ബന്ധപ്പെട്ട വിഷയത്തില്‍ 55 ശതമാനം മാർക്കോടുകൂടിയ ബിരുദാന്തര ബിരുദവും (ഒബിസി-നോണ്‍ക്രീമീലെയര്‍, ഭിന്നശേഷി വിഭാഗക്കാര്‍ക്ക്‌ 50 ശതമാനം മാര്‍ക്ക്‌ മതി) എം എഡും നെറ്റ്‌ പിഎച്ച്ഡി യും ഉണ്ടായിരിക്കണം. നെറ്റ്‌ പിഎച്ച്ഡി ഉള്ളവരുടെ അഭാവത്തിൽ ഇല്ലാത്തവരെയും പരിഗണിക്കും. നിശ്ചിത യോഗ്യതയുള്ള ഉദ്യോഗാര്‍ത്ഥികള്‍ എല്ലാ അസൽ സര്‍ട്ടിഫിക്കറ്റുകളും, ഒരു പകര്‍പ്പും സഹിതം ആഗസ്റ്റ് രണ്ടിന് രാവിലെ 10.30ന് ഇന്റര്‍വ്യൂവിന് ഹാജരാകേണ്ടതാണെന്ന് പ്രിൻസിപ്പൽ അറിയിച്ചു. കൂടുതല്‍ വിവരങ്ങള്‍ക്ക്‌ : 0490 2320227, 9188900212.

ടെണ്ടർ ക്ഷണിച്ചു 

കോഴിക്കോട് ഐസിഡിഎസ് 3 പരിധിയിൽ നാല് സെക്ടറുകളിലായുള്ള 140 അങ്കണവാടികളിൽ പാൽ,മുട്ട വിതരണം ചെയ്യുന്നതിനായി വ്യക്തികളിൽ നിന്നോ / സ്ഥാപനങ്ങളിൽ നിന്നോ സെക്ടർ അടിസ്ഥാനത്തിൽ പ്രത്യേകം ടെണ്ടർ ക്ഷണിച്ചു. അവസാന തിയ്യതി : ആഗസ്റ്റ് നാല്. കൂടുതൽ വിവരങ്ങൾക്ക് : 0495-2461197