കര്‍ഷകദിനാചരണം നടത്തും

കാര്‍ഷിക വികസന കര്‍ഷക ക്ഷേമ വകുപ്പും കണ്ണപുരം ഗ്രാമ പഞ്ചായത്ത് കൃഷി ഭവനും സംയുക്തമായി കര്‍ഷകദിനാഘോഷവും വിളംബരജാഥയും നടത്തും. കണ്ണപുരം ഗ്രാമപഞ്ചായത്ത് ഹാളില്‍ നടക്കുന്ന പരിപാടി ആഗസ്റ്റ് 17ന് രാവിലെ 10.30ന്  ജില്ലാ പഞ്ചായത്ത് പ്രസിഡണ്ട് പി പി ദിവ്യ ഉദ്ഘാടനം ചെയ്യും. രാവിലെ 10 മണിക്ക്  ചെറുകുന്ന് തറ ടാക്‌സി സ്റ്റാന്റ് പരിസരത്ത് നിന്ന് കര്‍ഷകരെ ആനയിച്ചുകൊണ്ടുള്ള വിളംബര ജാഥ തുടങ്ങും. കണ്ണപുരം ഗ്രാമപഞ്ചായത്ത് പ്രസിഡണ്ട് കെ രതി അധ്യക്ഷത വഹിക്കും. കെ വി ജനാര്‍ദ്ദനന്‍, തോര ബാലന്‍, ആഷ മാട്ടുമ്മല്‍, കെ വി രാജന്‍, കെ സീത, പി ഉഷ, വി ശശിധരന്‍ എന്നീ കര്‍ഷകരെയാണ് ആദരിക്കുന്നത്.