ബോണസ് തർക്കം ഒത്തുതീർന്നു

ജില്ലയിലെ വിവിധ സ്ഥാപനങ്ങളിൽ സെക്യുരിറ്റി മേഖലയിൽ ജോലി ചെയ്യുന്ന തൊഴിലാളികളുടെ 2022-23 വർഷത്തെ ബോണസ് തർക്കം ജില്ലാ ലേബർ ഓഫീസർ എം മനോജിന്റെ സാന്നിധ്യത്തിൽ നടന്ന തൊഴിലാളി-തൊഴിലുടമകളുടെ യോഗത്തിൽ ഒത്തുതീർന്നു. ഒത്തുതീർപ്പ് വ്യവസ്ഥയനുസരിച്ച് 7,000 രൂപ ബോണസായി നൽകാൻ തീരുമാനമായി. യോഗത്തിൽ തൊഴിലുടമകളെ പ്രതിനിധീകരിച്ച് ടി എം രവീന്ദ്രൻ നമ്പ്യാർ, എം നരേന്ദ്രൻ, യൂണിയനെ പ്രതിനിധീകരിച്ച് കെ മോഹനൻ, കെ പി രാജൻ എന്നിവർ പങ്കെടുത്തു.