Post Category
ബോണസ് തര്ക്കം ഒത്തുതീര്ന്നു
ജില്ലയിലെ പവര്ലൂം മേഖലയില് ജോലിചെയ്യുന്ന തൊഴിലാളികളുടെ ഈ വര്ഷത്തെ ബോണസ് തര്ക്കം ജില്ലാ ലേബര് ഓഫീസര് എം മനോജിന്റെ സാന്നിധ്യത്തില് ചേര്ന്ന തൊഴിലാളി-തൊഴിലുടമ യോഗത്തില് ഒത്തുതീര്ന്നു. ഒത്തുതീര്പ്പ് വ്യവസ്ഥയനുസരിച്ച് ഒന്നാം കാറ്റഗറിയില്പെട്ട സ്ഥാപനങ്ങളിലെ തൊഴിലാളികള്ക്ക് ഒരുവര്ഷത്തെ മൊത്ത വരുമാനത്തിന്റെ 16.50 ശതമാനവും രണ്ടാം കാറ്റഗറിയില്പെട്ട സ്ഥാപനങ്ങളിലെ തൊഴിലാളികള്ക്ക് ഒരു വര്ഷത്തെ മൊത്ത വരുമാനത്തിന്റെ 13.50 ശതമാനവും ബോണസ് നല്കുന്നതിന് തീരുമാനമായി. യോഗത്തില് തൊഴിലുടമകളെ പ്രതിനിധീകരിച്ച് എം പ്രഭാകരന്, കെ രാഗേഷ്, സി ചന്ദ്രശേഖരന്, പി സി രാധാകൃഷ്ണന്, യൂണിയനെ പ്രതിനിധീകരിച്ച് മാവളളി രാഘവന്, ടി ശങ്കരന്, എ വിനോദ്, ഒ വിജയന്, പി നാണു, പി പവിത്രന് എന്നിവര് പങ്കെടുത്തു.
date
- Log in to post comments