Post Category
ശ്രീനാരായണഗുരു ഓപ്പണ്‍ യൂണിവേഴ്സിറ്റിയുടെ ആദ്യ ബിരുദ പരീക്ഷകള്‍ 26 മുതല്‍
ശ്രീനാരായണഗുരു ഓപ്പണ്‍ യൂണിവേഴ്സിറ്റിയുടെ ആദ്യ ബിരുദ പരീക്ഷകള്‍ ആഗസ്റ്റ് 26 മുതല്‍ വിവിധ ജില്ലകളിലെ 21 പരീക്ഷാ കേന്ദ്രങ്ങളില്‍ നടക്കും. 2022-ൽ പ്രവേശനം നേടിയ യു ജി പഠിതാക്കള്‍ യൂണിവേഴ്സിറ്റി പരീക്ഷ പോര്‍ട്ടലില്‍ നിന്നും എക്സാമിനേഷന്‍ അഡ്മിറ്റ് കാര്‍ഡുകള്‍ മുന്‍കൂട്ടി ഡൗണ്‍ലോഡ് ചെയ്യണം. പരീക്ഷാ കേന്ദ്രവും കോഴ്സുകളും രജിസ്റ്റര്‍ ചെയ്തത് തന്നെയാണെന്ന് ഉറപ്പുവരുത്തണം. പഠിതാക്കളുടെ എക്സാമിനേഷന്‍ അഡ്മിറ്റ് കാര്‍ഡും, ഫോട്ടോ ഐഡന്റിറ്റി കാര്‍ഡും (യൂണിവേഴ്സിറ്റി നല്‍കിയിട്ടുള്ള ഐഡന്റിറ്റി കാര്‍ഡ്/ആധാര്‍ കാര്‍ഡ് /വോട്ടേഴ്‌സ് ഐഡന്റിറ്റി കാര്‍ഡ്/ പാന്‍ കാര്‍ഡ്/ ഡ്രൈവിങ് ലൈസന്‍സ് എന്നിവയില്‍ ഏതെങ്കിലും ഒന്ന്) പരീക്ഷ ദിവസങ്ങളില്‍ ഹാജരാക്കണം. പരീക്ഷ ടൈംടേബിള്‍ സര്‍വകലാശാല വെബ്സൈറ്റില്‍ ലഭിക്കും. ഫോണ്‍: 9188920013, 9188920014.
date
- Log in to post comments