2.32 കോടി രൂപയുടെ വിറ്റുവരവ്; നേട്ടം കൊയ്ത് കുടുംബശ്രീ ഓണച്ചന്തകള്
ആലപ്പുഴ: ഓണക്കാലത്ത് വന് നേട്ടം കൊയ്ത് കുടുംബശ്രീ ഓണച്ചന്തകള്. ജില്ല കുടുംബശ്രീ മിഷന്റെ നേതൃത്വത്തില് ജില്ലയിലെ സി.ഡി.എസുകളില് ഒരുക്കിയ ഓണച്ചന്തകള് വഴി 2.32 കോടി രൂപയുടെ വിറ്റുവരവാണ് ലഭിച്ചത്. ഓണച്ചന്തകള്ക്ക് പുറമേ സഞ്ചരിക്കുന്ന ഓണവിപണിയും വലിയ നേട്ടമുണ്ടാക്കി.
20.5 ലക്ഷം രൂപയുടെ വിറ്റുവരവോടെ ഭരണിക്കാവ് ബ്ലോക്കിലെ താമരക്കുളം സി.ഡി.എസാണ് ജില്ലയില് ഒന്നാമത്. കഞ്ഞിക്കുഴിയിലെ ജില്ലാതല ഓണച്ചന്തയില് 16 ലക്ഷത്തോളം രൂപയുടെ വിറ്റുവരവുണ്ടായി. മാരാരിക്കുളം നോര്ത്ത് സി.ഡി.എസിലും ലക്ഷങ്ങളുടെ വിറ്റുവരവുണ്ടായി. ജില്ലയിലെ 80 സി.ഡി.എസുകളിലായി ഒരുക്കിയ ഓണച്ചന്തകളില് 1866 എം.ഇ. യൂണിറ്റുകളും 1204 ജെ.എല്.ജി. യൂണിറ്റുകളും പങ്കെടുത്തു.
വരുംവര്ഷങ്ങളിലും ഇത്തരം ചന്തകള് ഒരുക്കി ഗുണമേന്മയുള്ള ഉത്പ്പന്നങ്ങള് ജനങ്ങളിലേക്ക് എത്തിക്കാനാവശ്യമായ സംവിധാനങ്ങള് ഉറപ്പാക്കുമെന്ന് ജില്ല മിഷന് കോ-ഓര്ഡിനേറ്റര് പ്രശാന്ത് ബാബു, എ.ഡി.എം.സി സുരേഷ് എം.ജി, ഡി.പി.എം. സാഹില് ഫൈസി എന്നിവര് അറിയിച്ചു.
- Log in to post comments