മിച്ചഭൂമി പതിച്ചു നല്‍കുന്നു

കേരള ഭൂപരിഷ്‌കരണ നിയമപ്രകാരം മിച്ചഭൂമിയായി ഏറ്റെടുത്ത പയ്യന്നൂര്‍ താലൂക്ക് ആലപ്പടമ്പ വില്ലേജിലുളള 1.0118 ഹെക്ടര്‍ മിച്ചഭൂമി അര്‍ഹരായവര്‍ക്ക് പതിച്ചു കൊടുക്കുന്നതിനായി അപേക്ഷ ക്ഷണിച്ചു. ഭൂരഹിതരും ഭവനരഹിതരുമായ കര്‍ഷകത്തൊഴിലാളികള്‍ക്ക് മാത്രമേ ഭൂമി പതിച്ചുകൊടുക്കുകയുള്ളൂ. കേരള ഭൂപരിഷ്‌കരണ നിയമത്തിലെ 17-ാം നമ്പര്‍ ഫോറത്തിലാണ് അപേക്ഷ സമര്‍പ്പിക്കേണ്ടത്. അപേക്ഷയില്‍ ജില്ലാ കലക്ടറുടെ വിജ്ഞാപനത്തിന്റെ തീയതിയും (ഡിസികെഎന്‍ആര്‍/5046/2023-ബി8, 08/08/2023) ചേര്‍ത്ത് സെപ്റ്റംബര്‍ 20നകം ജില്ലാ കലക്ടര്‍ക്ക് ലഭിക്കണം. ഭൂമിയെ സംബന്ധിച്ച വിശദ വിവരങ്ങള്‍ പയ്യന്നൂര്‍ താലൂക്ക് ഓഫീസ്, ആലപ്പടമ്പ വില്ലേജ് ഓഫീസ് എന്നിവിടങ്ങളില്‍ ലഭിക്കും.