ഷോർട്ട് ഫിലിം മത്സരം

സാമൂഹ്യനീതി വകുപ്പ് ഒക്ടോബർ ഒന്ന് അന്താരാഷ്ട്ര വയോജന ദിനത്തോടനുബന്ധിച്ച് കേരളത്തിലെ കോളജുകളിൽ നിന്നും ഷോർട്ട് ഫിലിം മത്സരത്തിന് ഹ്രസ്വചിത്രങ്ങൾ ക്ഷണിച്ചു. 'പ്രായം മനസ്സിൽ ആണ്. നമ്മുടെ കരുതലാണ് അവരുടെ കരുത്ത്. ചേർത്ത് നിർത്താം വയോജനങ്ങളെ ഉറപ്പാക്കാം നീതി' എന്നീ വിഷയങ്ങളാണ് ചിത്രീകരിക്കേണ്ടത്. സംസ്ഥാനത്തെ അംഗീകൃത കോളജുകൾക്ക് എൻട്രികൾ അയക്കാം. വ്യക്തിഗതമായോ ഗ്രൂപ്പായോ ഫിലിം തയ്യാറാക്കി നൽകാം. ഒന്നും രണ്ടും മൂന്നും സ്ഥാപനങ്ങൾക്ക് യഥാക്രമം 25,000, 15000, 5000 രൂപയായിരിക്കും സമ്മാനത്തുക. അവസാന തീയതി സെപ്റ്റംബർ 18 വൈകീട്ട് അഞ്ച് മണി. sjdoldageday@gmail.com എന്ന ഇമെയിൽ വിലാസത്തിലേക്ക് എൻട്രികൾ അയക്കണം. മത്സരവുമായി ബന്ധപ്പെട്ട നിർദ്ദേശങ്ങൾ, നിബന്ധനകൾ എന്നിവ അടങ്ങിയ വിജ്ഞാപനം   www.swd.kerala.gov.in യിൽ ലഭിക്കും. സമ്മാനദാനം അന്താരാഷ്ട്ര വായോജന ദിനമായ ഒക്ടോബർ ഒന്നിന് സംസ്ഥാനതല പരിപാടിയിൽ നൽകും .