കേരളീയം മീഡിയ സെന്റർ ഉദ്ഘാടനം ഇന്ന്

കേരളീയം 2023-ന്റെ മീഡിയ സെന്റർ ഉദ്ഘാടനം ഇന്ന് (സെപ്റ്റംബർ 24) ഗായിക കെ.എസ്. ചിത്ര നിർവഹിക്കും. കനകക്കുന്ന് പാലസ് ഹാളിൽ രാവിലെ 11ന് നടക്കുന്ന ചടങ്ങിൽ കേരളീയം സ്വാഗത സംഘം ചെയർമാൻകൂടിയായ മന്ത്രി വി. ശിവൻകുട്ടി, മന്ത്രിമാരായ ആന്റണി രാജു, ജി.ആർ അനിൽ, വി.കെ. പ്രശാന്ത് എം.എൽ.എ, മീഡിയ ആൻഡ് പബ്ലിസിറ്റി സബ് കമ്മിറ്റി ചെയർമാൻ ആർ.എസ്. ബാബു, കൺവീനറും ഐ.പി.ആർ.ഡി ഡയറക്ടറുമായ ടി.വി സുഭാഷ്, കേരളീയം 2023ന്റെ സംഘാടനത്തിനായി രൂപീകരിച്ച് 20 സബ് കമ്മിറ്റികളുടെ ചെയർമാൻമാർ, വൈസ് ചെയർമാൻമാർ, കൺവീനർമാർ, കോ ഓഡിനേറ്റർമാർ എന്നിവർ പങ്കെടുക്കും. മീഡിയ സെന്റർ നവംബർ ഏഴ് വരെ പ്രവർത്തിക്കും.

പി.എൻ.എക്‌സ്. 4502/2023