കണ്ണൂര്‍ അറിയിപ്പുകള്‍ 298-09-2023

സന്ദര്‍ശിച്ചു.

മരണപ്പെട്ട ചിന്മയ ഹയര്‍ സെക്കണ്ടറി സ്‌കൂള്‍ വിദ്യാര്‍ഥികളുടെ വീട് ബാലാവകാശ കമ്മീഷന്‍ ചെയര്‍പേഴ്‌സണ്‍ കെ വി  മനോജ് കുമാർ സന്ദര്‍ശിച്ചു.

കായിക ക്ഷമതാ പരീക്ഷ മാറ്റി

ജയില്‍ വകുപ്പില്‍ വനിത അസിസ്റ്റന്റ് പ്രിസണ്‍ ഓഫീസര്‍ ( 652/21, 495/21, 496/21, 626/21) തസ്തികയുടെ തെഞ്ഞെടുപ്പിനായി സെപ്റ്റംബര്‍ 30ന് മാങ്ങാട്ടുപറമ്പ് സര്‍ദാര്‍ വല്ലഭായി പട്ടേല്‍ സ്‌പോര്‍ട്‌സ് കോംപ്ലക്‌സ് ഗ്രൗണ്ടില്‍ നടത്താന്‍ നിശ്ചയിച്ചിരുന്ന കായിക ക്ഷമതാ പരീക്ഷ മാറ്റിയതായി ജില്ലാ പി എസ് സി ഓഫീസര്‍ അറിയിച്ചു.  പുതുക്കിയ തീയതി പിന്നീട് അറിയിക്കും.

ചെറുകിട സംരംഭങ്ങള്‍ക്ക് സബ്സിഡി വായ്പ

പി എം എസ് വി എ നിധി പദ്ധതിയില്‍ തളിപ്പറമ്പ് നഗരസഭ പരിധിയില്‍ സംരംഭക വൃത്തിയില്‍ ഏര്‍പ്പെട്ടിരിക്കുന്ന ചെറുകിട സംരംഭകര്‍, കുടുംബശ്രീ അയല്‍ക്കൂട്ട സംരംഭകര്‍ എന്നിവര്‍ക്ക് ആദ്യഘട്ട ധനസഹായമായി 10,000 രൂപ വായ്പ നല്‍കുന്നു. ഫോണ്‍: 9562329248, 8086730256.

കെ ജി ടി ഇ ഓഫ്സെറ്റ് പ്രിന്റിങ് ടെക്നോളജി കോഴ്സ്

സി-ആപ്റ്റും സാങ്കേതിക വിദ്യാഭ്യാസ വകുപ്പും സംയുക്തമായി നടത്തുന്ന ഒരുവര്‍ഷത്തെ പി എസ് സി അംഗീകൃത സര്‍ട്ടിഫിക്കറ്റ് ഇന്‍ ഓഫ്സെറ്റ് പ്രിന്റിങ് ടെക്നോളജി കോഴ്സിന് കോഴിക്കോട് ഉപകേന്ദ്രത്തില്‍ അപേക്ഷ ക്ഷണിച്ചു. കെ ജി ടി ഇ കോഴ്സുകളായ പ്രീ-പ്രസ്സ് ഓപ്പറേഷന്‍, പ്രസ്സ് വര്‍ക്ക്, പോസ്റ്റ് പ്രസ്സ് ഓപ്പറേഷന്‍ ആന്റ് ഫിനിഷിങ് എന്നീ കോഴ്സുകളില്‍ കോഴിക്കോട് ഉപകേന്ദ്രത്തില്‍സീറ്റുകള്‍ ഒഴിവ്. പട്ടികജാതി/പട്ടികവര്‍ഗ്ഗ/ മറ്റ് അര്‍ഹരായ വിഭാഗങ്ങള്‍ക്ക് നിയമാനുസൃതമായ ഫീസ് ആനുകൂല്യം ലഭിക്കും.  ഒ ബി സി/എസ് ഇ ബി സി/മുന്നോക്ക സമുദായങ്ങളിലെ സാമ്പത്തികമായി പിന്നോക്കം നില്‍ക്കുന്ന വിദ്യാര്‍ഥികള്‍ക്ക് വരുമാന പരിധിക്ക് വിധേയമായി ഫീസ് ആനുകൂല്യം ലഭിക്കും.
താല്‍പര്യമുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം നേരിട്ട് സി-ആപ്റ്റ് ട്രെയിനിങ് ഡിവിഷനില്‍ ഹാജരാകണം. ഫോണ്‍: 0495 2723666, 0495 2356591, 9778751339.
ഇ മെയില്‍: kozhikode@captkerala.com.

ഗസ്റ്റ് ഇന്‍സട്രക്ടര്‍ നിയമനം

പട്ടികജാതി വികസന വകുപ്പിന് കീഴില്‍ കാസര്‍കോട്, കണ്ണൂര്‍, കോഴിക്കോട്, മലപ്പുറം, പാലക്കാട്, തൃശ്ശൂര്‍ ജില്ലകളില്‍ പ്രവര്‍ത്തിക്കുന്ന 23 ഗവ.ഐ ടി ഐകളില്‍ ഈ അധ്യയന വര്‍ഷം എംപ്ലോയബിലിറ്റി സ്‌കില്‍ വിഷയം പഠിപ്പിക്കുന്നതിന് ഗസ്റ്റ് ഇന്‍സ്ട്രക്ടര്‍മാരെ നിയമിക്കുന്നു.
എം ബി എ/ ബി ബി എ/ഏതെങ്കിലും വിഷയത്തിലുള്ള ബിരദം/ഏതെങ്കിലും വിഷയത്തിലുള്ള ഡിപ്ലോമയും ഡി ജി ടി ഇന്‍സ്റ്റിറ്റ്യൂട്ടില്‍ നിന്നും എംപ്ലോയബിലിറ്റി സ്‌കില്‍സില്‍ ഹ്രസ്വകാല ടി ഒ ടി കോഴ്‌സ്,  ഇംഗ്ലീഷ് കമ്മ്യൂണിക്കേഷന്‍ സ്‌കില്‍സും ബേസിക് കമ്പ്യൂട്ടര്‍ സ്‌കില്‍സ്/ ഡിപ്ലോമ എന്നിവയാണ് യോഗ്യത.
താല്‍പര്യമുള്ള ഉദ്യോഗാര്‍ഥികള്‍ ബയോഡാറ്റ, യോഗ്യതാ സര്‍ട്ടിഫിക്കറ്റുകളുടെ അസ്സലും പകര്‍പ്പും സഹിതം ഒക്‌ടോബര്‍ ആറിന് രാവിലെ 10 മണിക്ക്  കോഴിക്കോട് ജില്ലയിലെ എലത്തൂര്‍ ഗവ.ഐ ടി ഐയില്‍ നടത്തുന്ന ഇന്റര്‍വ്യൂവിന് നേരിട്ട് ഹാജരാകണം.  ഫോണ്‍: 0495 2461898.

താല്‍ക്കാലിക നിയമനം

കതിരൂര്‍ ജി വി എച്ച് എസ് എസില്‍ വി എച്ച് എസ് ഇ വിഭാഗത്തിലെ വൊക്കേഷണല്‍ ടീച്ചര്‍ ഇന്‍ ഒ എഫ് ടി തസ്തികയില്‍ നിയമനത്തിന് അപേക്ഷ ക്ഷണിച്ചു.  ഇലക്ട്രിക്കല്‍ ആന്റ് ഇലക്ട്രോണിക്‌സ്/ഇല്ക്‌ട്രോണിക്‌സ് ആന്റ് കമ്മ്യൂണിക്കേഷ ന്‍ എന്നിവയിലേതെങ്കിലുമുളള എഞ്ചിനീയറിങ് ബിരുദമാണ് യോഗ്യത.  താല്‍പര്യമുള്ളവര്‍  ഒക്‌ടോബര്‍ നാലിന് രാവിലെ 10 മണിക്ക് സ്കൂളിൽ  നടക്കുന്ന കൂടിക്കാഴ്ചയില്‍ സര്‍ട്ടിഫിക്കറ്റുകളുടെ അസ്സലും പകര്‍പ്പും സഹിതം ഹാജരാകണം.  ഫോണ്‍.  7510153050,  9947085920.

ജെന്‍ഡര്‍ സ്‌പെഷലിസ്റ്റ്: അപേക്ഷ ക്ഷണിച്ചു

വനിത ശിശു വികസന വകുപ്പിന് കീഴില്‍ ജില്ലയില്‍ ഡിസ്ട്രിക്ട് ഹബ്ബ് ഫോര്‍ എംപവര്‍മെന്റ് ഓഫ് വുമണിലേക്ക് ജെന്‍ഡര്‍ സ്‌പെഷലിസ്റ്റ് തസ്തികയില്‍ കരാര്‍ നിയമനം നടത്തുന്നു.  യോഗ്യത: സോഷ്യല്‍ വര്‍ക്കിലുളള ബിരുദം/ മറ്റ് സോഷ്യല്‍ ഡിസിപ്ലിന്‍സസിലുള്ള ബിരുദം.  ബിരുദാനന്തര ബിരുദമുള്ളവര്‍ക്ക് മുന്‍ഗണന.  സര്‍ക്കാര്‍ മേഖലയില്‍/ എന്‍ ജി ഒകളില്‍ ജെന്‍ഡര്‍ ഫോക്കസ്ഡ് മേഖലയുമായി ബന്ധപ്പെട്ട് മൂന്നുവര്‍ഷത്തില്‍ കുറയാത്ത പ്രവൃത്തി പരിചയം ഉണ്ടായിരിക്കണം.  പ്രായപരിധി 40 വയസ് കവിയരുത്.
അപേക്ഷാ ബയോഡാറ്റ, വിദ്യാഭ്യാസ യോഗ്യത, ജനന തീയതി, പ്രവൃത്തി പരിചയം എന്നിവ തെളിയിക്കുന്ന സ്വയം സാക്ഷ്യപ്പെടുത്തിയ പകര്‍പ്പുകള്‍ സഹിതം ഒക്‌ടോബര്‍ ഏഴിന് വൈകിട്ട് അഞ്ച് മണിക്കകം ജില്ല വനിത ശിശുവികസന ഓഫീസര്‍, ജില്ല വനിത ശിശുവികസന ഓഫീസ്, സിവില്‍ സ്റ്റേഷന്‍ കണ്ണൂര്‍ എന്ന വിലാസത്തില്‍  സമര്‍പ്പിക്കണം.  ഫോണ്‍: 0497 2700708. അപേക്ഷാ ഫോറത്തിന്റെ മാതൃക ജില്ലാ വനിത ശിശുവികസന ഓഫീസില്‍ ലഭിക്കും.

ഗാര്‍മെന്റ്  മേക്കിങ് പരിശീലനം

കണ്ണൂര്‍ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഹാന്‍ഡ്‌ലൂം ടെക്‌നോളജി  മൂന്ന് മാസത്തെ ഗാര്‍മെന്റ് മേക്കിങ് കോഴ്‌സ് സംഘടിപ്പിക്കുന്നു. പാറ്റേണ്‍ മേക്കിങ്, കട്ടിങ് ആന്റ്  സ്റ്റിച്ചിങ്, വാല്യൂ എഡിഷന്‍ ടെക്‌നിക്ക്, ജനറല്‍ ഫാഷന്‍ തിയറി എന്നിവ കോഴ്‌സിന്റെ ഭാഗമാണ്. താല്‍പര്യമുള്ളവര്‍ വെള്ളക്കടലാസില്‍ സ്വയം തയ്യാറാക്കിയ അപേക്ഷ ഒക്‌ടോബര്‍ 17-നകം ഓഫീസില്‍ സമര്‍പ്പിക്കണം.  ഫോണ്‍: 0497 2835390.  ഇ മെയില്‍: info@iihtkannur.ac.in.

ക്വട്ടേഷന്‍

കൂത്തുപറമ്പ് ഗവ.ഐ ടി ഐയിലേക്ക് മെക്കാനിക്കല്‍ വെയിങ് സ്‌കെയില്‍ വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു.  ഒക്‌ടോബര്‍ 12ന് ഉച്ചക്ക് രണ്ട് മണി വരെ ക്വട്ടേഷന്‍ സ്വീകരിക്കും.  ഫോണ്‍: 0490 2364535.

വൈദ്യുതി മുടങ്ങും

ബര്‍ണ്ണശ്ശേരി ഇലക്ട്രിക്കല്‍ സെക്ഷനിലെ മാതമില്ല്, ചെറുമണല്‍, എയര്‍ട്ടല്‍ മണല്‍, ശിവോഹം, റെയിന്‍സ്‌കേപ്പ് വില്ല, ആറാംകോട്ടം, റെഡ് ബില്‍ഡിങ്, പള്ളിയാംമൂല, മണല്‍ മുത്തപ്പന്‍, കണ്ണൂര്‍ ക്ലബ്, ഒറ്റത്തെങ്, കെ വി പാലം, ചാലില്‍ക്കാവ് എന്നീ ട്രാന്‍സ്ഫര്‍ പരിധിയില്‍ സെപ്റ്റംബര്‍ 30 ശനി വൈദ്യുതി മുടങ്ങും.