നവകേരളസദസ്സ് : ബാലുശ്ശേരിയിൽ സംഘാടകസമിതി ഓഫീസ് തുറന്നു

വർണ്ണപ്പൊലിമയാർന്ന ഘോഷയാത്രയോടെ ബാലുശ്ശേരിയിൽ നവകേരളസദസ്സിന്റെ പ്രചരണാർത്ഥമുള്ള സംഘാടകസമിതി ഓഫീസ് തുറന്നു. ജില്ലാ കലക്ടർ സ്നേഹിൽ കുമാർ സിങ്ങ് ഉദ്ഘാടനം ചെയ്തു. കെ എം സച്ചിൻദേവ് എംഎൽഎ അധ്യക്ഷനായി. ബാലുശേരി ഇ കെ നായനാർ ബസ് ടെർമിനലിന് സമീപത്താണ് സംഘാടക സമിതി ഓഫീസ്. ഉദ്ഘാടനത്തിന് മുന്നോടിയായി ബാലുശേരി പഴയ പോസ്റ്റ് ഓഫീസിനു സമീപത്ത് നിന്ന് ആരംഭിച്ച ഘോഷയാത്ര ബസ്സ്റ്റാന്റിൽ സമാപിച്ചു.

 തെയ്യം, മുത്തുക്കുടകൾ, വാദ്യമേളങ്ങൾ തുടങ്ങിയവയുടെ അകമ്പടിയോടെ നടന്ന ഘോഷയാത്രയിൽ നൂറ് കണക്കിനാളുകൾ അണിനിരന്നു. കോ ഓഡിനേറ്റർ ഇസ്മയിൽ കുറുമ്പൊയിൽ,  ബ്ലോക്ക് പഞ്ചായത്ത് പ്രസിഡന്റ് വി കെ അനിത, പഞ്ചായത്ത് പ്രസിഡന്റുമാരായ വി എം കുട്ടികൃഷ്ണൻ, സി അജിത, രൂപലേഖകൊമ്പിലാട്, സി എച്ച് സുരേഷ്, രാഷ്ട്രീയപാർട്ടി പ്രതിനിധികൾ എന്നിവർ ചടങ്ങിൽ സംബന്ധിച്ചു.