ഹാപ്പിനെസ്സ് ഫെസ്റ്റിവല്‍ നാടകോത്സവം: ഉദ്ഘാടനം 21ന്

ഹാപ്പിനെസ്സ് ഫെസ്റ്റിവലിനോടനുബന്ധിച്ച് സംഘടിപ്പിക്കുന്ന നാടകോത്സവത്തിന്റെ ഉദ്ഘാടനം ഡിസംബര്‍ 21ന് വൈകിട്ട് ആറ് മണിക്ക് പ്രസിദ്ധ സിനിമാതാരവും  എം എൽ എ യുമായ  മുകേഷ് നിര്‍വഹിക്കും. എം വി ഗോവിന്ദന്‍ മാസ്റ്റര്‍ എം എല്‍ എ അധ്യക്ഷത വഹിക്കും. 21, 22 തീയതികളിലായി ധര്‍മശാലയിലെ ഗവ എന്‍ജിനീയറിങ് കോളേജ് ഓഡിറ്റോറിയത്തിലാണ് നാടകോത്സവം നടക്കുന്നത്. സമാപന ഉദ്ഘാടനം 22ന് വൈകിട്ട് ആറ് മണിക്ക് സംഗീത നാടക അക്കാദമി സെക്രട്ടറി കരിവെള്ളൂര്‍ മുരളി നിര്‍വഹിക്കും.
ആദ്യദിനത്തില്‍ കോഴിക്കോട് രംഗമിത്രയുടെ പണ്ട് രണ്ട് കൂട്ടുകാരികള്‍ എന്ന നാടകവും രണ്ടാം ദിനം വള്ളുവനാട് ബ്രഹ്‌മ ടീമിന്റെ രണ്ട് നക്ഷത്രങ്ങള്‍ എന്ന നാടകവുമാണ് അരങ്ങേറുന്നത്. പ്രവേശനം സൗജന്യമായിരിക്കും.